Apisten evelki yaşayışı
Ğennadiy Lımeşko 1992 senesi dekabrniñ 29-nda Harkiv vilâyetinde doğdı. Harkiv milliy tehnik köy hocalığı universitetini bitire. 2015–2017 seneleri o, göñülliler batalyonda hızmet etti, anda kelecek ömür arqadaşı İrinanen tanışa, soñra olarnıñ bir qızı ola. Bundan soñ Ğennadiy Lımeşko kontrakt imzalap, Ukrayina Silâlı Quvetlerine qoşula.
Taqipler
2017 senesi avgustnıñ 12-nde rusiyeniñ fsb küçleri işğal etilgen yarımadanıñ Sudaq şeerinde Ğennadiy Lımeşkonıñ yaqalanğanını bildirdi. Rusiyeniñ havfsızlıq küçleri onı “SBU agenti” olaraq ilân ettiler ve Qırımdaki ast yapığa ve müim teminat obyektlerge qarşı diversiya azırlağanında qabaatladılar. O, “patlatıcı ve cenk silâlarını qanunsız aluv, taşuv ve saqlav”da qabaatlandı.
İşğalci “mahkeme” Qırımnıñ işğalinen bağlı sözde “siyasiy duşmanlıq” motivni ağırlaştırıcı al olaraq tanıdı, bunıñ sebebinden siyasiy mabüs, iddia etilgenine köre, diversiya kerçekleştirmege razı oldı. Ukrayin qabaatını boynuna aldı ve tanqiqatnen resmiy olmağan añlaşma yaptı, bu añlaşma davanıñ materiallarına kirsetilmedi. O, öz şaatlığını FSBniñ basımı ve azapları altında berdi.
Apisteki aqibeti
2018 senesi Qırımda işğalci “mahkeme” onı sekiz yılğa apiske attı. Atta qanunsız apis müddeti bitmeden evel, apishane hadimleri adamnı “evge qaytalmacağınen” qorquzdıra ediler.
Ğennadiy 2025 senesi fevralniñ 21-nde azat etilecek edi, amma bu olmadı. Rusiye havfsızlıq küçleri onıñ pasportını 25 yaşında yapıştırılğan fotoresim sebebinden mağbul olmağan dep ilân ettiler ve Lımeşkonı rusiyeniñ stavropol bölgesindeki georgiyevsk şeerindeki ecnebiyler içün muvaqqat tutuluv merkezine yolladılar.
Ğennadiy 2025 senesi martnıñ 13-ne qadar bağğa çıqmadı. Bundan soñ, merkezdeki başqa tutuqlarnıñ şaatlıqlarına köre, onı FSB hadimleri aldılar – ve uzun vaqıt devamında onıñ bulunuv yeri belli degil edi. 2025 senesi iyül ayında “rosfinmonitoring” “terroristler ve ekstremistler” cedvelini yañarttı, onıñ içinde Ğennadiy Lımeşkj da bar edi. Avgust ayında ukrayin vatandaşınıñ kene mahküm etilgeni belli oldı – rusiye federatsiyasınıñ stavropol bölgesiniñ kursk rayon mahkemesi Lımeşkonı eki yılğa azatlıqtan marum etilüvge mahküm etti, çünki bu o, sanki içtimaiy ağlarda zorbalıqqa çağıruvlarnen materiallar yerleştirgen.