2018 senesi saban ayı (mart) 27 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ baş mesleatçısı Valeriya Pahomova Büyük Britaniya Elçihanesiniñ medeniyet meseleleri boyunca Attaşesi Saymon Vilyams ve Britaniya Şurasınıñ tasil leyhalar bolügüniñ reberi Lüdmila Tatsenko ile birlikte brifing keçirdiler. Brifing devamında tasil saasına qol tutuv ve maliyeviy destek, köçürilgen aliy oquv yurtlarnıñ Büyük Britaniya universitetler ile alâqalarnı temin etüv, Qırımdan memleket içinde mecburen köçken şahıslar içün tasil programmalar ve kurslar, tasil ve ilimniñ inkişafında mevcut olğan problemalar muzakere etildi. Qırım mevzusı boyunca ve Qırımdan studentler içün merkeziy akademik mektebine çevirilgen Vernadskiy adına Tavriya Milliy Universitetine yüksek qıymet kesildi.

Borıs Babin Temsilcilikniñ kündelik faaliyetini tarif etti ve Ukrainanıñ vaqtınca işğal etilgen Qırım topraqlarında yaşağan gençlerge aliy oquv yurtlarnıñ ceryanları ve kiriş imkânları aqqında haber etüv problemli olğanını qayd etti. Memleket içinde mecburen köçken şahıslarnıñ büyük qısımını oqutqan ve hususan Herson vilâyetinde yerleşken aliy oquv yurtlarğa akademik yardım meselesi muzakere etildi. Bundan da ğayrı, Qırım mevzusına bağışlanğan ciddiy ilmiy işlerniñ ve dissertatsiyalarnıñ, araştıruvlarnıñ, ilmiy konferentsiyalarnıñ çoqlaşmasına, memleket içinde Qırımdan mecburen köçken studentlernen ve ocalarnen, Uklraina ve Büyük Britaniya arasında akademik almaşuvlarğa ihtiyac olğanı da qayd etildi.

Britaniya şurasınıñ vekiileri memleket içinde mecburen köçken şahıslar içün Britaniya şurasınıñ yardımı ile azırlanğan tasil programmalar, liderlik qabiliyetini, yaş alimlerni, studentlerni, ocalarnı inkişaf ettirgen programmalar aqqında ikâye ettiler. Taraflar işbu programmalarnıñ Herson vilâyetinde em aliy oquv yurtlar, em mektepler seviyesinde amelge keçirilüv imkânlarını muzakere ettiler.