2018 senesi çiçek ayı (aprel) 16 künü Temsilcilikniñ teşşebüsi ile Odessa şeerinde ‘‘Ukraina devlet limanlarınıñ memuriyeti’’ Devlet müessisesinde (UDLM) Odessa şeerinde 2018 senesi çiçek ayı 17-19 künlerinde keçecek Qaradeñiz regionında devlet tarafından liman nezareti boyunca qarşılıqlı añlaşma Memorandumı Komitetiniñ XIX toplaşuvına azırlıq çerçivesinde Ukraina devlet organlarınıñ, devlet müessiselerniñ ve üç taraflama dialog iştirakçlerinıñ deñiz naqliyatı saasında umumiy nazar noqtası boyunca iş muşaveresi keçirildi. Qırım etrafındaki Qara deñiz suvlarında gemicilik hafsızlığınıñ temin etilüvinde Memorandum maddeleriniñ emiyetini esapqa alaraq, Komitetniñ XIX toplaşuvına Ukraina eyetiniñ terkibine Ukraina Prezidentiniñ Qırım MC Daimiy Temsilcisi ve Temsilcilikte uquqiy talil ve halqara alâqalar hızmetleriniñ hadimleri kirsetildi. Muşaverede Ukraina deñiz ve özen naqliyati boyunca Devlet hızmetiniñ yolbaşçısı, Ukrain Arbiy-Deñiz Quvetleri komandanınıñ muavini, UDLM reberiyeti, Ukraina devlet sıñır hızmetiniñ, Ukraina Cenübiy regionı boyunca Arbiy savcılığınıñ, Ukraina havfsızlıq hızmetiniñ Qırım MC Baş idaresiniñ ve Ukraina Milliy politsiyasınıñ Qırım MC ve Aqyar boyunca Baş idaresiniñ vekâletli resmiy şahısları iştirak etti.

Keñeşniñ neticesi olaraq, Memorandum Komitetinde Ukraina eyetiniñ faaliyeti boyunca vekâletli ogranlarnıñ umumiy nazar noqtası ve yaqın kelecekte müessiseler arasında işbirlikniñ imkânları belgilendi.