2018 senesi çiçek ayı (aprel) 22 künü Ukraina Prezidentiniñ Qırım MC Daimiy Temsilcisi Borıs Babin, Temsilcilikniñ Qırım MC işgalden azat etilüvi ve ğayrıdan integratsiyası ve uquqiy talil hızmetleriniñ hadimleri 1917-1921 seneleri Ukrain inqlâbınıñ muim saifeleriniñ devlet seviyede qayd etilüviniñ çerçivesinde, Herson vilâyeti Geniçesk rayonı Çonğar köyünde tantanalı tedbirlerde ve Novooleksiyivka qasabasında Qırım yarımadasınıñ rusiye bolşeviklerinden azat etilüve bağışlanğan hatıra tahtanıñ açıluvında iştirak ettiler.

Vaqtınca işğal etilgen Qırımnıñ civarlarında yuqarıda añılğan tarihiy vaqialarnıñ qayd etilüvine Ukraina Prezidentiniñ Qırım MC Temsilciligi, Ukraina milliy hatıra institutı, Ukraina halq deputatları, gönülliler ve faalciler, Herson vilâyetiniñ devlet memuriyeti, Geniçesk rayon arbiy bölügi, Çonğar köy şurası, arbiy bölükler, Devlet sıñır hızmetiniñ bölükleri, ‘‘Ukrzaliznitsya’’ halq öğündeki aktsioner cemiyetiniñ memurları qol tuttı.

Çonğar koy şurasınıñ medeniyet evinde çıqışta bulunğan Borıs Babin keçmişte ve bügünde-bügün Ukrainanıñ mustaqilligini ve territorial bütünligini qorçalamaq içün canlarını feda etken qaramanlarnı añdı, Çonğar yalıñız 100 yıl evelsi Qırımnıñ rusiye bolşevik istilâsından azat etilüvinde muim ve simvolik yer degil de, 2014 senesiniñ baarinde de RF ordusınıñ istilâsı toqtatılğan yer olğanını hatırlattı. Aveskârlar kontsertinden soñ askerler sefer aşhanelerinde köyniñ sakinleri ve musafirleri içün üyle aşını pişirdiler.

Tantanalı tedbirler çerçivesinde yerli öz-özüni idare etüv organlarnıñ, arbiy bölüklerniñ Qırımtatar halqı Meclisiniñ vekilleri, gönülliler ve faalciler Novooleksiyivka tren stantsiyasında Ukraina halq cumhuriyetiniñ ordusı tarafından Qırımnıñ rusiye-bolşevik istilâcılarından azat etilüviniñ 100-yıllığına bağışlanğan hatıra tahtanıñ açıluvında iştirak ettiler.

Merasimde Ukraina halq deputatı Ganna Gopko, Ukraina gençler ve sport Nazirliginde milliy-vatanperverlik terbiyesi bölüginiñ müdiri Mıkola Lâhovıç, tarihçi, yazıcı, qırım gumanitar meselelerinden mütehassıs Sergiy Gromenko, Ukrain serbest universitetiniñ adliye doktorı Mıkola Kravçuk, ‘‘Azatlıq saası’’ areketniñ koordinatorı Taras Şamayda, Ukraina milliy hatıra institutınıñ mütehassısları, Qırımtatar Milliy Meclisiniñ azaları Abmecit Suleymanov ve Gulnara Bekirova, Herson regional ve yerli meclislerniñ reisleri, yerli devlet organlarnıñ vekilleri ve cemaat iştirak etti.