2018 senesi ekim (oktâbr) ayı 4 künü Ukraina Prezidentiniñ Qırım MC Daimiy Temsilcisi Borıs Babin ve Temsilcilikte halqara alâqalar hızmetiniñ reisi Yevgen Samuha Ukrainada RF istilâsı neticesinde zarar körgen şahıslarnı qorçalamaq, keçici devirde adalet meselesini çezmek maqsadınen Ukraina Yuqarı Şurası insan aqları boyunca Vekâletlisiniñ teşebbüsi ile teşkil etilip, qanun yaratıcı tekliflerni azırlavı ile oğraşqan Koordinatsion şurasınıñ oturışında iştirak ettiler.

Tedbir Vekâletliniñ cemaat teşkilâtları ile işbirlik boyunca temsilcisi Andrey Mamalığanıñ yolbaşçılığında Ukraina halq deputatları, Ukraina adliye Nazirligi, vaqtınca işğal etilgen topraqlar ve devlet içinde köçken şahıslar meseleleri boyunca Ukraina Nazirligi, Ukraina içki işler Nazirligi ve bir sıra cemaat teşkilâtları vekilleriniñ iştiragi ile olıp keçti.

‘‘Silâlı istilânıñ aqibetlerini aşuv saraitlerinde insan aq-uquqlarını qorçalav boyunca devlet siyasetiniñ esasları’’ Ukraina Qanunınıñ bir qaç teşkilâtlar tarafından teklif etilgen leyhasını muzakere etüv esnasında Borıs Babin toplaşuvda bulunğanlağa üzerinde ciddiy çalışuv talap etken bu vesiqa boyunca Temsilcilikniñ tenqidiy fikirlerini bildirdi.

Koordinatsion Şurasınıñ azaları bu fikirlerni diqqatqa alıp, şuranıñ terkibinde hainlerni ve işğalcilernen işbirlik qurğan şahıslarnı mesüliyetke çekmek, rusiye istilâsınıñ qurbanlarına zararlarnı ödemek, işğalden azat etüv devirinde teşkiliy islâatlarnı keçirmek ve azat etilgen topraqlarda milliy hatıranı ğayrıdan tiklemek maqsadınen cinaiy adliye yönelişi boyunca iş gruppalarnıñ teşkil etilmesi ve yuqarıda qayd etilgen leyha üstünde çalışuvğa yerli ve çetelden ekspertlerniñ celp etilmesi aqqında qarar aldılar.