2018 senesi ekim (oktâbr) ayı 31 künü Temsilcilikte halqara alâqalar hızmetiniñ reisi Yevgen Samuha ‘‘Kütleviy yañlış malümat vastaları. Zemaneviy media saasınıñ terkibi’’ mevzusında (PEN Ukraine) Muzakere PEN-klubınıñ tedbirinde iştirak etti.

Munaqaşanıñ davet etilgen ekspertleri arasında jurnalist, ‘‘Azatlıq radıosınıñ’’ muhbiri, ‘‘Espreso’’ telekanalınıñ alıp barıcısı Vitaliy Portnikov, jurnalist, ‘‘Azatlıq radıosınıñ’’ muhbiri, ‘‘ICTV’’ telekanalınıñ alıp barıcısı Pavlo Kazarin, ‘‘Detektor media’’ portalınıñ baş muarriri Natalâ Ligaçova ve başqaları bar edi.

Munaqaşa iştirakçileri 2014 senesi sözde ‘‘qırım baari’’ devamında RF keçirgen mahsus haber ameliyatları ve vaqtınca işğal etilgen yarımadadaki vaziyet boyunca zemaneviy rusiye propagandası misallerini muzakere etip, soñki on yıllıqlar devamında haber cenkini alıp baruv qaideleri nasıl deñişti, ‘‘mağlübiyet’’ nasil darqatıla, ‘‘ğalebe’’ nasıl eksiltile, populistlerni ne içün sevemiz, propaganda ile manipulâtsiya dertlerine derman barmı, jurnalistika ve propaganda arasındaki sıñır qayerden keçe, feyk ve manipulâtsiya içün nasıl ceza ola bilir, raqipniñ vastalarını qullanmadan haber cenkinde yeñmek münkünmi kibi suallerge cevaplar qıdırdılar.