Taraflar Azaq-Keriç boğazı suvlarında Rusiye tecavüziniñ neticelerini ve regional havfsızlıq içün onıñ telükesini müzakere ettiler.

Azaq deñiziniñ ve Keriç boğazınıñ Kreml tarafından ”süyreklengen işğal etilüvini” toqtatmaq içün dünya Rusiyeniñ Ukrainağa qarşı bu tecavüzine keskin cevap bermege kerek olğanı qayd etildi.

Rusiye tarafını gemicilik serbestligine riayet ettirmek ve zapt etilgen ukrain gemilerinen gemicilerini deral ve iç bir türlü şart qoymadan azat ettirmek maqsadınen Petro Poroşenko ve Kurt Volker halqara basqını devam etüv boyunca yanaşuvlarını uyğunlaştırdılar.

Taraflar Rusiyege qarşı halqara sanktsiyalar ve Keriç boğazındaki tecavüz içün olarnıñ quvetleştirilüvi vaziyetni barışıq yolunen çezüvde ve Ukrainağa qarşı rusiye istilâsını toqtatuvda muim bir vasta olğanında eminliklerini bildirdiler.

https://www.president.gov.ua/news/prezident-ukrayini-zustrivsya-zi-specialnim-predstavnikom-ss-52186