İşbu künde 5 sene evelsi bütün halqara qanunlarnı, devletlerara añlaşmalarnı, medeniy milletlerniñ beraberlikte yaşayış boyunca esas qaidelerini bozğan Rusiye Federatsıyası, facialı Yevromaydan vaqialarnen faydalanıp, cenk ilân etmeden haince Qırım yarımadasını işğal etmege başlağan edi.

5 yıllıq Qırım işğali – bu beş yıl devamında Ukrainanıñ vaqtınca işğal etilgen Qırım MC-de Rusiye işğalci akimiyetiniñ vekilleri tarafından Ukraina vatandaşları aq-uquqlarınıñ ve serbestlikleriniñ bozuluvı, söz ve fikir serbestlikleriniñ sıñırlanuvı, ukrain ve qırımtatar halqlarına qarşı kütleviy basqı, mustaqil matbuat vastalarını, faalcilerni ve aq qorçalayıcılarnı taqip etüv, milliy medeniy asabalıqnı yoq etüvdir.

5 yıl evelsi, yani 2014 senesi olğanı kibi, dünya Ukrainanıñ egemenligi ve topraq bütünligi içün küreşine qol tutmaq içün birleşti. 2014 senesi saban (mart) ayı 27 künü BMT Baş Assambleyası Qırım ile Aqyarnı Ukrainanıñ ayırılmaz parçaları olaraq tanığan Rezölütsiyasını qabul etken edi.

Dünya memleketlerniñ ekseriyeti Rusiyeniñ Qırımdaki cinaiy areketlerini takbih ete, ukrain devletiniñ topraq bütünligine ve Ukraina Rusiyeden halqara uquq şartlarına riayet etmek talap etmesine qol tuta.

Künlerniñ birinde soñki rus işğalcisi Ukraina toprağını ille de terk eter.