2014 senesi Rusiyeniñ Şarqtaki silâlı tecavüzi ve Qırımnıñ vaqtınca işğal etilüvi sebebinden devletimizniñ havfsızlıq saasında hızmet etken küçleriniñ faaliyetlerine yanaşuv deñişti, olar islâatqa oğradı.

Eñ muim, quyın ve mürekkep soñki beş yıl devamında Ukraina Havfsızlıq Hızmeti öz semeriligini ve zenaat seviyesini arttırdı, RF devletimizge qarşı alıp barğan gibrid tecavüzge qarşılıq kösterüv saasında imkânlarını quvetleştirdi ve al-azırda hususiy tecribesinen Ukrainanıñ ortaqları olğan memleketler ile paylaşa bile.

Eminim ki, Ukraina Havfsızlıq Hızmetiniñ hadimleri öz halqına sadıq qalır, menligi ile nümüne olur, kelecekte de qanuniyetni ve adaletni kütip, öz vazifelerini yerine ketirir, Ukrainanıñ topraq bütünligini ve egemenligini qorçalar. Olarnıñ zemaneviy azırlıq seviyeleri ve UHH semereli faaliyeti 2014 senesiniñ adiseleri bizim topraqlarımızda iç bir vaqıt tekrarlanmamasına kefalet berir.

Zenaat bayramları munasebeti ile Ukraina Havfsızlıq Hızmetiniñ bütün hadimlerine qaviy sağlıq, zenaatlarında ösüv, qorantalarında bereket ve muabbetlik, ilham, qıyın ve havflı kündelik hızmetiñiz içün cemiyetten minnetdarlıq tileyim!

Ürmet ile, İzet Gdanov, Ukraina Prezidentiniñ Qırım MC Daimiy Temsilcisiniñ Birinci muavini