2019 senesi ilk yaz (iyün) ayı 18 künü ”Ukrinformda” Temsilcilikniñ hadimleri ”Qırım evi” DM tarafından yañı ”Tamırlar” leyhanıñ taqdim etilüvinde iştirak ettiler, leyhanıñ maqsadı – qırımtatar halqınıñ sürgünligi aqqında şahsiy ikâyelerni qıdıruv, toplav ve video vastasınen ebediyleştirüvdir. Ayrı İnternet saifesinde açıq irişimde bulunğan malzemeler vastasınen öz ikâyelerinen bu facianı şahsen başından keçirgen adamlar paylaşa.

Tedbir esnasında tarihçi Gulnara Bekirova tamır Qırım halqınıñ sürgünlik mevzusı sovet devirinde yasaq olğanını, 80% yaqın qırımtatar faalcisi 1944 senesi yüz bergen facialı vaqialar aqqında kerçekni milliy areket vesiqalarında aydınlatmağa tırışqanları içün mahkeme etilgenini tarif etti. Tarihiy menbalar sovet akimiyeti bir çoq milletlerni ve etnik gruppalarnı aselet yoq etkenini tasdıqlay, onıñ içün yuqarıda añılğan leyha tek bütün bu ikâyelerniñ bir yerde saqlamaqnen sıñırlanmayıp, işbu facia aqqında obyektiv malümatnı kelecek nesillerge tanıtacaqtır.