”Dava ile silâlı tecavüzniñ aqibetlerini aşuv boyunca ”yol haritası” olaraq keçici devirde milliy adliye ümdesiniñ leyhası eñ yaqın vaqıtta taqdim etilecek”, – dep haber etti Ukraina Prezidentiniñ Qırım MC Daimiy Temsilcisiniñ birinci muavini Darya Svırıdova.

Prezident Ofisinde olıp keçken brifing devamında o, Temsilcilikniñ strategik vazifeleri arasında silâlı tecavüzniñ aqibetlerini aşuv ve tınçlıqqa keçüv vastası vazifesini becerecek keçici devirde milliy adliye ümdesiniñ leyhasınıñ azırlanması olğanını qayd etti.

Onıñ fikirince, Temsilcilik bu vazifeni şu cümleden Prezident yanında teşkil etilgen uquqiy islâat meseleleri boyunca Komissiya çerçivesinde de becermekte. Temsilcilikniñ eki hadimi işbu Komissyanıñ yanında faaliyetini yürsetken vaqtınca işğal etilgen topraqlarnı ğayrıdan integratsiya etüv boyunca gruppanıñ azalarıdır.

”Bügünde-bügün qolumızda kontseptsiya – bir çoq ekspertlerniñ, aq qorçalayıcılarnıñ, Ukraina Yuqarı Şurasınıñ insan aqları boyunca vekâletlisi Ofisiniñ, başqa akimiyet organlarınıñ ve bir-qaç yıl evelsi işbu faaliyetniñ teşebbüsçileri olğan cemaat teşkilâtlarınıñ iştiragi ile azırlanğan keçici devirde adliyeniñ milliy şekili bar. Al-azırda böyle ”yol haritası”, yanı işbu ”yol haritasınıñ” qaralaması azır, Komissiya çerçivesinde biz onıñ üstünde çalışamız ve eñ yaqın vaqıtta onı cemaatqa ve ekspert müitine taqdim etermiz”, – dep qayd etti Darya Svırıdova.

Menba: https://www.president.gov.ua/news/proekt-koncepciyi-perehidnogo-pravosuddya-najblizhchim-chaso-58321