Soñki yarım yıl devamında maküm etilgen şahsıslar eki taraflama şekilde eki kere azat etildi, bu ceryan ”er kezni er kezge” deñiştirüv olğan maqsadımızğa irişmemiz içün devam etmeli, – dep qayd ete Ukraina Prezidenti Volodımır Zelenskıy.

Donbastaki nezaretimiz altında bulunmağan topraqlarda insaniyetsiz şaraitlerde tutulğan 200 ziyade ukrainalı azat etilmegence, toqtamamalımız. 100-den ziyade ukrainalı ve qırımtatar ise Qırımda ve Rusiye Federatsiyasında tutulmaqta”, – havfsızlıq meseleleri boyunca Münhen konferentsiyasında çıqışta bulunğan arada, dep qayd etti Devlet başlığı.

Volodımır Zelenskıy, Parijdeki Normand sammitiniñ neticeleri olaraq 2019 senesi ilk qış (dekabr) ayında halqara teşkilâtlar ve bu cümleden Qızıl Haç Halqara komiteti semereli şekilde faaliyetlerini yürsetmeleri içün şaraitler yaratuv boyunca añlaşmalar yapılğanını hatırlattı.

”Bügünde-bügün QHHK vekilleri habersiz ğayıp olğanlarnıñ qıdıruvına celp etildi, yazıqlar olsun ki, bu altı yıl devamında bayağı adam ğayıp oldı. Maküm etilgen şahıslarğa QHHK vekilleriniñ irişimi meselesi ise ale daa çezilmedi. Amma bu mesele müsbet şekilde çezilecegine işana bilemiz”, – dep qayd etti Prezident.

Menba: Ukraina Prezidentiniñ İnternette resmiy temsilciligi