Körüşüv esnasında sanatçılarnıñ ve medeniyet müessiseleriniñ diqqatlarını Qırım mevzusına celp etüv, Ukrainanıñ medeniy ve haber saalarında Qırım mevzusını köterüv em de Ukraina devletiniñ inkişafında de Qırım medeniyetiniñ rölüni tanıtqan leyhalarğa qol tutuv kibi meseleler muzakere etildi.
”Qırım medeniyetini, qırımtatar medeniyetini tanıtqan leyhalarğa faal şekilde qol tutqan Ukrain medeniy merkezine minnetdarmız. UMM ile Temsilcilikniñ kelecekte işbirligi neticesinde Qırımnı Ukrainanıñ medeniy haritasında güzel şekilde işaretleye bilecegimizge dair büyük ümütlerimiz bar. Vaqtınca işğal etilgen yarımada ile medeniy bağlarnıñ qorçalanması, devlet ile sanatçılarnıñ umumiy faaliyetiniñ bir parçasıdır”, – dep izaatlay Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva.
Ukraina Prezidentiniñ Qırım MC-deki Temsilciligi ve Ukraina medeniy fondu Qırım mevzusı boyunca çalışqan sanatçılar içün meraqlı teşebbüsler azırlay.
Saifelerimizge yazılıp, güzel haberler bekleñiz. Olar ise mıtlaqa olacaq!
Ukrain medeniy fondu Ukraina Prezidentiniñ Qırım Muhtar Cumhuriyetindeki Temsilciligi