2014 senesi saban (mart) ayında BM Baş assambleyasınıñ Qararnamesinde qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv meseleleri muzakere etildi.
Daimiy Temsilci qırımtatar medeniyetiniñ inkişaf etmesini teşviq etüv ve qırımlı siyasiy mabuslarnı qorçalav meselesine ayrıca diqqat etti.
Bundan ğayrı, vaqtınca işğal etilgen Qırımda COVİD-19 salğını ve işğalci devlet Rusiye Federatsiyasınıñ öz mecburieytlerini yerine ketirip, ealini qorçalap olamağanı neticesinde yüz bergen vaziyet ayrıca muzakere etildi.
Ukraina Prezidentiniñ Qırım Muhtar Cumhuriyetindeki Temsilciligi Rusiye Federatsiyası tarafından Qırım Muhtar Cumhuriyetini ve Aqyar şeerini ilhaq etüv teşebbüsini tanımağan ve vaqtınca işğal etilgen topraqlarda Ukrainanıñ topraq bütünligini ve egemenligini ğayrıdan tiklev oğrunda ğayretlerini birleştirgen ortaqlarına öz minnetdarlığını bildire.
Fotosüret: rbc.ua