Ukraina para qanuniyetine köre, daimiy şekilde Qırım Muhtar Cumhuriyetinde ve Aqyar şeerinde yaşağan fizikiy şahıslar ve fiziy şahıslar arasından iş adamları Ukraina vatandaşları olaraq tanılalar.
2020 senesi Ukraina Milliy bankı 2014 senesi qabul etilip, bütün Qırım MC ve Aqyar şeeriniñ sakinlerini Ukraina vatandaşları olaraq tanımağan 699 sanlı qararnamesine deñişmeler kirsetti.
Ukraina Prezidentiniñ Qırım MC-deki Temsilciligi ve cemaat teşkilâtları yıl devamında vaqtınca işğal etilgen Qırım MC ve Aqyar şeerinde yaşağan Ukraina vatandaşlarına bank hızmetleriniñ berilmesini nezaret ettiler. Nezaret etüv Qırım sakinlerine hızmetlerini bermege istemegen qanun bozucı banklarnı kösterdi.
Onın içün Ukraina Prezidentiniñ Qırım Muhtar Cumhuriyetindeki Temsilciligi ve vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligi Ukraina Milliy bankından izaatlar talap ettiler.
Tünevin UMB banklarğa bergen izaatlarında (https://cutt.ly/ylnlh9U) bank müessiseleri memleket içinde avuşqan şahısnıñ malümat kâğıdını talap etmeyip Qırım sakinlerine hızmetlerini bermek mecburiyetlerinde olğanını qayd etti:
- bank hızmetleri berilgende Qırım ve Aqyar şeeri sakinlerine qarşı ayırımcılıqqa yol berilmemeli,
- banklarda şübeler doğurmağan ve adiy maaliy ameliyatlar kerçekleştirgen bütün Ukraina vatandaşlarına maaliy hızmetleriniñ er çeşitine irişim berilmeli
.
Bundan ğayrı, bu kibi vaziyetlerden qaçınmaq maqsadınen UMB banklarğa maaliy nezaret etüv boyunca bütün vesiqalarnı közden keçirmege tevsiye etti.
Hatırlatamız ki, Ukraina Milliy bankı, Ukraina Prezidentiniñ Qırım MC-deki Temsilciligi, vaqtınca işğal etilgen topraqlarnı ğayrıdan integratsiya etüv meseleleri boyunca Ukraina Nazirligi, Ukraina maaliye Nazirligi, Ukraina Devlet bergi hızmeti ve maaliy nezaret etüv boyunca Devlet hızmeti beraberlikte kerçekleştirgen faaliyetniñ neticesinde Qırım sakinleriniñ bank müessiseleri ile munasebetlerinde ayırımcı şartlarnıñ lâğu etilmesi 2020 senesi çiçek ayında yüz berdi. Bundan ğayrı, uzun vaqıt devamında mevcüt ayırımcı talaplarnı qayd etken ve olarğa diqqat celp etken, bunınen beraber vaqtınca işğal etilgen Qırımda yaşağan vatandaşlarımızğa yardım bermege devam etken aq qorçalayıcı teşkilâtlarğa öz minnetdarlığımıznı bildiremiz.