2021 senesi saban ayınıñ 17-de saat 11:00-de Ukraina topraqlarındaki silâlı dava şaraitlerinde insan aqlarını qorçalav mevzusında devlet siyasetini teşkil etüv ile davanıñ aqibetlerini aşuvğa dair cemiyetniñ fikirlerini añlamaq niyetinen Kıyiv halqara institutı tarafından ”Ukraina ealisiniñ Ukraina topraqlarındaki silâlı dava aqqında fikirleri ve baqışları” mevzusında keçirilgen omnibusnıñ neticeleri taqdim etilecek.

Tedqiqat CATİ (biligisayarnı qullanıp keçirilgen telefon intervyuları) usulı vastasınen yaşları 18-den büyük olğan adamlarnıñ tesadüfiy şekilde seçilgen telefon nomeraları esasında keçirildi. 2000 anketa toplandı.
Vaqtınca işğal etilgen Qırım Muhtar Cumhuriyeti, Aqyar şeeri, Donetsk ve Lugansk vilâyetleriniñ ayrı rayonları istisna olğanınen, sorav bütün Ukraina vilâyetlerinde keçirildi.

Tedqiqat esnasında aşağıdaki sualler berildi:

Silâlı dava vaziyetinden barışıqlıq vaziyetine keçüvge dair devlet areket planınıñ teşkil etilmesini kimler teklif etmeli?
Devlet tarafından nezaret etilmegen topraqlarnıñ sakinleri ile bağlarını desteklemek ve qorçalamaq içün devlet tarafından bir-de-bir areketler yapılmalımı?
Ükümet tarafından nezaret etilmegen topraqlar yarın azat etilse, devlet tarafından ilk nevbette nasıl adımlar yapılmalı?

Spikerler:

Anton Korınevıç, Ukraina Prezidentiniñ Qırım Muhtar Cumhuriyetindeki Daimiy Temsilcisi
Svitlana Kolışko, BM teşkilâtı İnkişaf Programması ”Ukraina içün insan aqları” leyhasınıñ reberi
Alöna Lunöva, ZMİNA İnsan aqları merkeziniñ abulqat yöneticisi, Uquqiy islâat meseleleri boyunca Komissiyanıñ vaqtınca işğal etilgen topraqlarnı ğayrıdan integratsiya etüv boyunca iş gruppasınıñ azası.

Keçirilgen yeri:

Ukraina Prezidenti Ofisi, Bankova soqağı, Kıyiv şeeri.

Teşkilâtçılar:

Ukraina Prezidentiniñ Qırım Muhtar Cumhuriyetindeki Temsilciligi ve Danimarka çetel işler Nazirliginiñ qol tutuvı ile amelge keçirilgen BM teşkilâtı İnkişaf Programmasınıñ ”Ukraina içün insan aqları” leyhası.

Akkreditatsiya saban ayınıñ 16-na qadar saat 17:30-ğace devam ete.

Akkreditatsiya meseleleri boyunca Yuliya Kurılükka [email protected] elektron menzili ve
+38 (063) 700-50-83 telefonı vastasınen muracaat etmelisiñiz.