Temsilcilik faal şekilde vesiqanı azırlamağa yardım etti, qırımtatarlarnıñ aqları saasında vaziyetke bağışlanğan maruzağa ve qararname leyhasına tekliflerini berdi. İlk yaz ayındaki toplaşuvda işbu qararname boyunca rey berüv keçirilecektir.

Metinde Ukraina topraqlarınıñ bir parçası olğan Qırım MC ve Aqyar şeeriniñ Rusiye Federatsiyası tarafından işğal etilüvi takbih etile, Qırımnıñ ilhaq etilüvi tanılmay.
Qırımtatarlarnıñ aq-uquqları qaba şekilde bozulğanı, öldürüvler ve zorbalıqnen ğayıp oluvlar munasip şekilde taqiq etilmegeni takbih etile. RF quvetçileri ve uquq qorçalayıcıları insaniyetsiz şekilde davranğanları, insanlarnı qıynağanları ve aşalağanları añıla.

Dostlar, faaliyetiñiz içün teşekkür etemiz. Çalışmağa devam etemiz.