Qural aynıñ 18-de saat 18:30-da Muzakere etüv PEN-klubı çerçivesinde ”Hatıra medeniyeti: Qırımtatarlarnıñ soyqırımını nasıl etip tarif etemiz” mevzusında subet ötkerilecek. Tedbir PEN Ukraine, ”Ukrain aftası”, Ukrain istitutı ve Qırım.Aqiqatnıñ Facebooktaki saifelerinde onlayn şekilde yayınlanacaqtır.

Munaqaşa Ukrain PEN ile Ukrain istitutı tarafından Qırım tatar halqınıñ soyqırım qurbanlarını añma Kününe bağışlanıp, teşkil etildi.
Qırımtatarlarnıñ soyqırımı nasıl neticelerge ketirdi? Ukrain cemiyeti sürgünlik aqqında neler tüşüne? Qırımda sürgünlik qurbanları ananeviy şekilde nasıl etip añıla? Bu ve başqa suallerge cevap berecek qonuşmacılar:

Gulnara Bekirova – tarihçı, siyasiy ilimler namzeti, Ukrain PEN-klubınıñ azası, müellif ve televizion alıp barıcısı;
Anton Drobovıç – Ukraina milliy hatıra institutınıñ başlığı;
Bekir Mamutov – (Aqmescitte 1989 senesinden berli neşir etilgen) cumhuriyet seviyesindeki mustaqil ”Qırım” gazetasınıñ baş muarriri, maqale yazıcısı, cemaat erbabı, edebiy muarrir, terciman;
Valentına Samar – Jurnalistik taqiqatlar Merkeziniñ başlığı.

Munaqaşanı Ukrain institutı baş müdiriniñ muavini Alim Aliyev idare etecek.

İştirakçilerge sualler qoymaq içün bağlantı:
https://forms.gle/HhXBg5MkSGD6Eiz76
https://fb.me/e/17oxcXZH7