şu cümleden, ”Qırım serbest iqtisadiy zonanı teşkil etüv ve vaqtınca işğal etilgen Ukraina topraqlarında iqtisadiy faaliyetni yürsetüv aqqında” Ukraina Qanunını lâğu etüv ve bazı Ukraina qanunlarına deñişmeler kirsetüv aqqında” № 5502 (https://cutt.ly/Rb1qXtc) sanlı qanun leyhası, ”«Qırım» serbest iqtisadiy zonanı teşkil etüv ve vaqtınca işğal etilgen Ukraina topraqlarında iqtisadiy faaliyetni yürsetüv aqqında” Ukraina Qanunını lâğu etüv ve bazı Ukraina qanunlarına deñişmeler kirsetüv aqqında” Ukraina qanunınıñ qabul etilüvi munasebetinen Ukraina Gümrük kodeksine deñişmeler kirsetüv aqqında 5503 (https://cutt.ly/nb1q2uW) sanlı qanun leyhası ve vaqtınca işğal etilgen Qırım Muhtar Cumhuriyeti ve Aqyar şeeri topraqlarında bergilerni idare etüvge dair Ukraina Bergi kodeksine ve başqa Ukraina qanunlarına deñişmeler kirsetüv aqqında 5501 (https://cutt.ly/bb1q72y) sanlı qanun leyhası qayd etildi.

Teklif etilgen deñişmeler:

Qırım sakinlerini bergi ve gümrük sıñırlamalarından azat etecek, şu cümleden, olar bu saalardaki ameliyatlarğa dair kene Ukraina rezidentleri olaraq sayılacaqlar;
Qırımğa kirgen ve Qırımdan çıqqan şahıslar içün ruhset etilgen degil de, yasaq etilgen şeyler cedvelini tizecek;
”Bedava uquqiy yardım aqqında” Ukraina qanunına yapılğan deñişmeler vaqtınca işğal etilgen topraqlarnıñ sakinlerine memleket içinde avuşqan şahıs malümat kâğıdı olmadan bedava ekinci derece uquqiy yardımnı almaq aqqını berecek;
mirasnen bağlı olıp, işğalden evel başlanğan, amma bitmegen faaliyetlerni bitirmege imkân berir.

İşğal etilgen topraqlarda yaşağan insanlarnıñ aqlarını ğayrıdan tiklevnen beraber, Qırımda ticariy faaliyetke dair sıñırlamalar saqlanıp quvetleştirilecektir:

Qırım Muhtar Cumhuriyetini işğalden azat etüv ve ğayrıdan integrasiya etüvge dair Strategiyanı amelge keçirüvni maqsat etip, Qırım işğalden azat etilmegence ve Qırım topraqlarında Ukraina qanuniyeti ğayrıdan tiklenmegence, yarımadanıñ suv ile temin etilmesini qanun vastasınen yasaq etmege teklif etile;
vaqtınca işğal etilgen topraqlarğa/dan bir-de-bir mahsulatnı avuştırmağa yasaq etile;
işğal etilgen topraqlardaki faaliyet içün resmiy litsenziyalar ya da mahsus ruhsetler berilmey, işğalden evel berilgen soyları ise toqtatıla ve uzatılmay;
işğal etilgen topraqlarda istisal etilgen mahsulatqa ukrain aktsız markaları ve sertifikatları berilmey.

Bundan ğayrı, umudevlet bergi ve tölemeler, yekâne ücret, mıtlaqiy devlet pension sigortanıñ ücreti vaqtınca işğal etilgen topraqlarda faaliyetlerini yürsetken uquqiy şahıslardan (olarnıñ ayrı bölüklerinden) ve fizikiy şahıslardan qabul etilmey.

Qanun leyhasını azırlavda iştirak etken Temsilciligimiz cemiyet tarafından çoqtan berli beklenilip, şu cümleden vaqtınca işğal etilgen yarımada topraqlarında yaşağan vatandaşlarımızğa dair diskriminatsion qanuniyet maddeleriniñ lâğu etilmesini maqsat etip qoyğan Ukraina halq deputatlarınıñ işbu teşebbüsini alğışlay. Ümüt etemiz ki, yuqarıda añılğan qanun leyhaları yaqın vaqıtta Ukraina Yuqarı Şurası tarafından baqılıp, qabul etilir.

Fotoresim: ”Ukraina sesi”