Körüşüvde ”Qırım SOS” cemaat teşkilâtınıñ Hersondaki ofisiniñ yöneticisi Oleksiy Tilnenko ve İnsan aqları oğrunda media teşebbüsiniñ yöneticisi Mariya Tomak iştirak ettiler.
Körüşüv çerçivesinde taraflar vaqtınca işğal etilgen Qırım Muhtar Cumhuriyeti ve Aqyar şeeri topraqlarında insan aqlarınıñ bozuluvı meselesini, ”Vaqtınca işğal etilgen Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvge dair devlet strategiyasınıñ” amelge keçirilüvinden beklenilgen neticelerni ve vaqtınca işğal sebebinden aqları bozulğan insanlarğa yardım berüv esnasında yüz bergen çağıruvlarnı muzakere ettiler.
Aynı vaqıtta Anton Korınevıç Qırım platformasınıñ ğayesi ve onı teşkil etüv planları, ilk sammitini keçirüv ve daimiy şekilde faaliyetini devam ettirüv aqqında haber etti.
Daimiy Temsilciniñ qayd etkenine köre, devletimiz memleket içinde avuşqan şahıslarnıñ ve Qırım sakinleriniñ aq-uquqlarını ve imkâniyetlerini temin etmek içün qolundan kelgenini yapmaqtadır.
Temsilcilik vaqtınca işğal etilgen Qırımda yaşamağa devam etken ya da mecburen başqa Ukraina regionlarına avuşqan Ukraina vatandaşlarınıñ aq-uquqlarını ve serbestliklerini qorçalav oğrunda bizge qol tutqan USAID vekillerine öz minnetdarlığını bildire.