2021 senesi ilk yaz ayınıñ 11-de Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç ilk yaz ayınıñ 10-11 künleri Herson vilâyetiniñ Geniçesk rayonındaki Çoqraq (Strilkove) köyünde keçirilgen ”Cenübiy inkişaf strategiyası” I-nci halqara yatırımcılar forumında Qırım mevzusı boyunca panel munaqaşada çıqışta bulundı.

Anton Korınevıç çıqışında soñki eki yıl devamında vaqtınca işğal etilgen Qırım MC ve Aqyar şeeri topraqlarını işğalden azat etüv oğrunda devlet seviyesinde pek coq areketler yapılğanını qayd etti, şu cümleden Qırımnı işğalden azat etüv ve ğayrıdan integratsiya etüv yönelişinde bütün devlet organlarınıñ faaliyetine temel qoyğan ”Qırım Muhtar Cumhuriyeti ve Aqyar şeeri topraqlarını işğalden azat etüv ve ğayrıdan integratsiya etüvge dair Strategiya” qabul etildi, Ukraina Prezidenti Volodımır Zelenskıy Qırımnı işğalden azat etüvge dair bir sıra fermanlar imzaladı, latin urufatı esasında qırımtatar elifbesini tasdıqlaycaq “Qırımtatar tilini inkişaf etüv strategiyası azırlanmaqta, Ukraina Prezidenti Volodımır Zelenskıy Ukraina Yuqarı Şurasına acele sürette qabul etilecek qanunlar arasında ”Ukraina tamır halqları aqqında” qanun leyhasını taqdim etti.

Daimiy Temsilci Qırımnıñ Ukrainağa aitligini daima hatırlatmaq kerek olğanımıznı qayd etti. Onıñ içün Ukraina Prezidenti öz Fermanı ile Qırım işğaline qarşılıq kösterüv Kününi ilân etti, bugünki Forum ise tarihiy ve joğrafik ceetten Qırım toprağında keçirilmekte (1955 senesinece şimdiki Strilkove köyü Qırımdaki Canköy rayonınıñ terkibine kire edi).

Daimiy Temsilci Qırım platformasınıñ İlk sammiti keçirilgen soñ, daimiy şekilde çalışacaq ve faaliyetini devam ettirecek bir ofisniñ teşkil etilmesi de pek müim olğanını qayd etti.