Vaqtınca işğal etilgen Qırım Muhtar Cumhuriyeti ve Aqyar şeerinde Rusiye Federatsiyasınıñ işğalci akimiyetine qarşılıq kösterüv maqsadınen Ukraina Prezidentiniñ Qırım Muhtar Cumhuriyetindeki Temsilciligi (ileride – Temsilcilik) ukrain yarımadasında qanunsız şekilde teşkil etilgen organlarında mütenasip vazifelerde bulunğan şahıslarnıñ faaliyetini munzatam sürette nezaret etüv ve talilnen oğraşa.

2020 senesiniñ berim (sentâbr) ayında Temsilcilik tarafından Qırım Muhtar Cumhuriyeti ve Aqyar şeeri Prokuraturasına sözde ”Qırım Cumhuriyeti” ve ”federal qıymeti olğan Aqyar şeerinde” faaliyet yürsetip, Ukraina vatandaşı degil de, Rusiye Federatsiyasınıñ vatandaşları olğan mahkemecilerniñ cedveli teslim etildi.

Bundan ğayrı, işbu şahıslarğa qarşı sanktsiyalar kirsetmek maqsadınen yuqarıda añılğan cedvel Ukraina Havfsızlıq Hızmetiniñ Qırım Muhtar Cumhuriyetindeki Baş idaresine de yollanıldı.

Temsilcilik teslim etken muracaatqa Qırım MC ve Aqyar şeeri Prokuraturası 2020 senesi ekim (oktâbr) ayınıñ başında, yuqarıda qayd etilgen sözde ”Qırım Cumhuriyeti” ve ”federal qıymeti olğan Aqyar şeerinde” RF vatandaşları olıp, faaliyet yürsetken mahkemecilerniñ cedveline dair malümatnı Ukraina Ceza Kodeksi 438 maddesiniñ 1-nci qısımı (cenk qanunlarını ve adetlerini bozuv) boyunca açılğan cinaiy işlerge qoşacağı aqqında haber etti.