Кърым Мухтар Джумхуриетинде Украина Президенти Викялетханесининъ Февкъуляде вазиетлери боюнджа ишберлик даиресинде незарет нетиджелерине коре Украинанынъ къыта тарафында ички кочьме шахысы статусны алгъан 22612 Къырым сакинлери къайд олунды. Олардан 14849 –ишкъабилиетли эрке ве къадынлар, 5965 – балалар, 1798 – сакъат ве эсли –башлы инсанлар.

Украинанынъ къыта тарафында Кърым сакинлери эксериетининъ вакътынджа отурув джогърафиясы: Львов, Одесса, Киев. Николаев, Херсон, Харьков виляетлери ве Киев шеэри.

Украинанынъ девлет виляетлер мемуриетлерининъ малюматларына эсасланаракъ, акимиет тешкилятына ватандашлардан 70771 мураджаат теслим олунды, шу сайысында бу йылнынъ август айында 1442, олардан 1305 миграцион суаллери, 114 сагълыкъ хызметлери ве мескенлернен темин этюв, 9 ичтимаий ярдымы, 8 иш тапув ве 6 тасиль суаллери боюнджа эди.

Украина Маариф ве илимлер назирлиги малюматларына коре «Кърым-Украина»тасиль меркезининъ мейдангъа кетирилюви нетиджесинде вакътынджа ишгъаль этильген Къырым Мухтар Джумхуриети ве Акъяр шеэри территориясынынъ 153 сакинлери украин алий окъув юртларнынъ талебелери олдылар.

Шу сене сентябрь айнынъ ичинде Херсон виляетиндеки Украина Девлет миграцион хызметининъ ерли болюклеринен Къырым сакинлери тарафындан теслим олунъгъан миграцион суаллерининъ эксериети бакъылды:
-634 сыныърдан тыш чыкъув Украина гражданлыкъ паспортынынъ ресмийлештирюви я да авуштырувы;
-383 шахыснынъ 25 я да 45 яшыны толдурув мунасебети иле Украина гражданлыкъ паспортына фотосуретнинъ япыштырувы;
-115 Украина гражданлыкъ паспортынынъ авуштырувы я да ресмийлештирюви;
– 9 ID-варакъа шекилинде Украина гражданлыкъ паспортынынъ ресмийлештирюви.

Къырым Мухтар Джумхуриетинде Украина Президентининъ Векялетханесинен ватандашларнынъ мураджааты иле 3655 суаль бакъылды ве мусбет къарар чыкъарылды, шу сайысындан 1861 2016 сенесинде, олардан 222 сентябрь айы ичинде.