Bugün biz Rusiye tarafından qanunsız 17 yılğa mahküm etilgen qırımtatar faali Azamat Eyupovnıñ ikâyesini aytıp berecekmiz.

Apisten evelki yaşayışı

Azamat Eyupov 1963 senesi fevralniñ 12-nde Özbekistannıñ Şahrihan şeerinde doğdı, onıñ qorantası 1994 senesi sovet totalitar rejimi tarafından qanunsız şekilde Qırımdan anda sürgün etilgen edi.

1981 senesi mektepni bitire, 1988 senesi ise baba-dedeleriniñ Vatanına qaytma arzusını yerine ketire, siyasiy mabüsniñ qorantası tuvğan Qırımğa qayta. Bağçasarayda yerleşip, Azamat qurucı olıp çalışa.

İşğalciler neler uydurıp çıqardı

2021 senesi fevralniñ 17-nde işğalci idareniñ havfsızlıq küçleri Qırımnıñ Kefe rayonınıñ Qarasuvbazar, Bağçasaray, Aqmescit, Aqyar ve diger şeerlerinde kütleviy tintüv keçirdiler. Onen beraber şu künü Timur Yalkabov, Yaşar Şihametov, Ernest İbragimov, Oleg Fedorovnı tutıp aldılar.

2022 senesi iyülniñ 19-da rusiyeniñ rostov-na-donu şeerindeki mahkeme 59 yaşındaki Azamat Eyupovnı qattı rejimli koloniyada 17 yılğa mahküm etti.

Azamat Eyupov asılında ne içün tutıp alındı?

Azamat Eyupov yaşlığından cemaat ayatında faal iştirakçi olıp keldi. O, daa 1980-nci seneleri Moskvanıñ Qızıl meydanındaki narazılıq aktsiyalarında iştirak etip, sovet ükümetiniñ repressiya siyasetine qarşı çıqıp, çıqışlar yaptı. Onıñ faaliyeti yıllar devamında toqtamadılar: 2019 senesi o, Qızıl meydanda ekinci kere narazılıq aktsiyasını keçirdi, anda qırımtatarlarğa qarşı repressiyalarnıñ toqtatılmasını talap etip, “Bizim balalarımız terroristler degil. Qırımtatarlarğa qarşı repressiyalarnı toqtatıñız.” plakatını tuttı.

Azamat da Qırımnıñ işğalci idaresi tarafından qanunsız taqip etilgen qırımtatarlarğa “mahkemelerde” faal qoltutıp, olarğa destek köstermek içün daima diñlevlerde buluna ve piketlerde iştirak ete edi.

Eyupovnıñ apske alınması işğalci memleketniñ siyasetine razı olmağanlarğa qarşı diniy ve etnik sebeplerden sistemalı taqip ve repressiyalar kampaniyasınıñ bir qısmı oldı.

Azamat Eyupov şimdi qayda?

2023 senesi mayıs 24 künü rusiyeniñ moskva vilâyetiniñ vlasıs şeerindeki mahkeme siyasiy mabüsniñ apellâtsiyasını red etti.

Şu seneniñ sentâbr ayında Azamat Eyupovnı Qırımdan qanunsız sürette doğğan yarımadasından 2500 km ziyade uzaqlıqta olğan çelâbinsk vilâyetiniñ verhnüralsk şeerine avuştırdılar.

Aqmescitniñ SİZO-sında olğanda, faal dört kere işemik insult keçirdi. Ve kerekli tibbiy yardımnıñ olmaması onıñ tışqı yardımsız areket etip olamağanına yol açtı. Faalniñ apiske atılması sebebinden peyda olğan çoqtan-çoq başqa hastalıqlar sebebinden sağlığı tez bozulmağa devam ete. Hususan, Azamat Eyupovnıñ sağ ayağı öz areket etme qabiliyetini aman-aman coydı – oña areket etmek soñ derece qıyın.

Onıñ ağır alına baqmadan, apishaneniñ dohtorı oña östeohondroz diagnozı qoyıp, onı öz odasına qaytardı ve mabüsni minimal tedaviylevnen sıñırladı.