Bugün qanunsız olaraq maksimum havfsızlıq koloniyasında 14 yılğa mahküm etilgen qırımtatar faali Rustem Seythalilovnıñ ikâyesini añlatamız.

Apisten evel yaşayışı

Rustem Seytalilov 1984 senesi yanvarniñ 18-nde Özbekistannıñ Qarşı şeerinde doğdı, onıñ qorantası 1944 senesi sürgün etilgen edi.

1990 senesi qoranta Qırımğa qaytıp, Canköy rayonınıñ Stovpove köyünde yerleşe. Aynı şu yılı Rustem birinci sınıfqa oqumağa bardı.

2001 senesi Aqmescit şeerindeki Qırım müendislik-pedagogika universitetine oqumağa kire ve 2006 senesi «Professionalnıy obrazovaniye» tasil boyunca bitire, müendis-pedagog tasilni qazana.

O, mebel yapuv ve cıyıştıruv, qurucılıqnen oğraştı, amma santehnika ve elektrik montajını da ögrendi ve qanunsız apske alınğance bu saada çalıştı.

İşğalciler neler uydurıp çıqardı

2019 senesi mart 27 künü işğal etilgen Qırımda Rusiye havfsızlıq küçleri işğal başlanğanından berli qırımtatarlarnıñ evlerinde tintüvlerniñ eñ büyük dalğasını keçirdiler. Bu qıdıruvlar yarımadanıñ bir qaç yerlerini, hususan, Kamânka, Strogonivka ve Bile köylerini qapladı. Bu tintüvler esnasında onlarnen Qırım faali yaqalandı, olarnıñ arasında Rustem Seythalilov da bar edi.

2022 senesi mart 8-de Rostov-na-Donu şeerindeki Rusiye mahkemesi Rustem Seythalilovnı 14 yılğa mahküm etti.

Rustem Seythalilov aslında ne içün mahküm etildi?

Qırımda qanunsız apske alınğan bir çoq diger ukrain tarafdarı faalciler kibi, onıñ da apske alınması Rusiye işğalci idaresi tarafından Ukrainanıñ tamır halqı qırımtatarlarğa qarşı maqsatlı repressiyalarnıñ keñ kampaniyasınıñ bir qısmı edi.

Rustem Seythalilov daima diniy ve cemaat tedbirlerinde iştirak etip, Qırımda musulman cemiyeti içün bayramlarnı teşkil etmege yardım ete edi. Bundan da ğayrı, o «Krımskaya solidarnost»niñ faali olıp, siyasiy mabuslerge qoltutıp, mabuslerniñ qorantalarına yardım ete, mahkemelerde buluna, SİZOlarğa yardım köstere edi.

Rustem Seythalilov şimdi qayda?

2023 senesi iyülniñ 7-de Moskva apellâtsiya mahkemesi siyasiy mabüsniñ cezasını tasdiqladı.

Qarar çıqarılğan soñ, Rustem Seythalilov Novoçerkassk şeerindeki SİZOda tutuldı, 2023 senesi avgust 26-da ise Rusiye Federatsiyasınıñ Ülyanovsk vilâyetindeki Dimitrovgrad şeerindeki 1-nci sanlı apske avuştırıldı, bu ise 1,00 k0mdan ziyade k0mden ziyadedir.

2024 senesi sentâbr 24-te onı belli olmağan tarafqa koloniyadan çıqardılar. “Rustam maña telefon etip, şimdi Qazanda olğanını ayttı. Tezden olarnı daa uzaqqa alıp ketecekler – Kirovğa, soñra Vologdağa. Bunı o bile. Men olarnı niayet qayda alıp keteceklerini daa bilmeyim”, – dedi onıñ apayı Elzara Seytalilova.