Tünevin, aprelniñ 12-de Temsilcilik ve “Misto” artkitaphanesi teşebbüsinen Qırım mevzusına bağışlanğan şiir oquv aqşamı teşkil etildi.

Tedbirge qoşulğam musafirler Maye Safet, Bekir Çoban-zade, Abdulla Lâtif-zade ve başqa şairlerniñ eserleri taqdim etildi, aynı zamanda siyasiy mabüs Galına Dovğopolanıñ mektübinden parça ve Marianna Kiyanovskanıñ “Bağçasaraydan yazılağan mektüp” seslendirildi.

Diñleyiciler Qırım tabiatı ve medeniyeti müitine dalıp, oqulğan eserler vastasınen şairlerniñ qayğı ve qasevetleri duyğularını is ete bildi. İşğalcilerge qarşılıq ve azatlıq içün küreş mevzusı şiiriyet aqşamını qırmızı şeriti kibi bağladı.

Ondan da ğayrı, şiiriyet aqşamı çerçivesine kelgen musafirler rus apishanelerinde qanunsız tutulğan siyasiy mabüslerge mektüp yazma teşennüsine de iştirak etti.

Şiiriyer aqşamına kelip olğan ve Qırımnen bağlı ikâyelerinen paylaşqan er keske minnetdarlığımıznı bildiremiz.

Teşebbüske qoşulıñız ve bu aqta malümatnen paylaşıñız! Qanunsız şekilde mahküm etilgen semetdeşlerimiz içün destek sözleriñiz kerçekten de müimdir!

Şiiriyet aqşamı Ukraina Prezidentiniñ Qırım Muhtar Cumhuriyetindeki Temsilсiligi, PEN Ukraina, ZMİNA insan aqları merkezi ve Ukrainanıñ vaqtınca işğal etilgen topraqlarınıñ reintegratsiya meseleleri nazirligi tarafından teşkil etilgen “Serbest Qırımğa mektüpler” teşebbüsi çerçivesinde ötkerildi.