Esirlikten azat etilgen 84 kişi arasında Ukrainadaki yekâne mina toplayıcı tarama gemisiniñ sabıq komandanı Oleksandr Boyçuk da yer almaqta. Arbiy Oleksandr Boyçuk Volın vilâyetiniñ Volodımır şeerinde doğıp, büyüdü. 2009 senesi deñiz flotında hızmet etmege başlamadan evel, o, sekiz ay devamında İraqta barıştırıcı missiyasında iştirak etti.

2014 senesi mart ayında rusiye Qırımnı işğal etken soñ “Geniçesk” mina toplayıcı tarama gemisiniñ komandanı gemini cenk azırlığına ketirdi. Martnıñ 18-nde bütün ukrain cenk gemileri lengerini alıp, Doñuzlavdan keçmege tırıştılar, amma yetişmediler, çünki çıqışlar qapatıldı. Eki künden soñ Ukraina Silâlı Quvetleri Arbiy-deñiz Quvetleriniñ suv üstü gemileriniñ 5-nci brigadasınıñ komandiri Vitaliy Zvâgintsev, Ukrainağa hainlik yapıp, bütün gemilerge yalığa çekilmege emir etti. Lâkin “Geniçesk” komandanı bu emirge boysunmayıp, gemige silâ yöneltilgenine ve gemide aşnen suv azalğanına baqmadan, ruslarnı gemige yaqınlaştırmadı.

Saba gemi kene çıqmağa tırıştı, lâkin rus mahsus küçleri geminiñ artında yetişti. Olar gemige ses granataları atıp, gemige qondılar. Deñizciler şlang ve zıncırlarnen qarşılıq kösterdiler. Boyçuk başına tüfek köpçeginen darbe alpan ve neticede yıqılıp, esini “Geniçesk”-ni iskelege yanaştıırdılar. Ekipajnıñ bütün azaları yalığa çıqtı. Eki künden soñ Oleksandrniñ qorantasınen Ukraina idaresi altındaki topraqlarğa çıqtı.

Oleksandr Ukrainanıñ qıta qısmına qaytqan soñ, çoq vaqıt keçmeden, ruslar “Geniçesk“-ni Donuzlavdan çekip, Ukrainağa teslim ettiler, Boyçuk kene gemige komandalıq etmege başladı. Böyleliknen, mina toplayıcı tarama gemisi rusiyeniñ Ukrainağa qaytarğan bir qaç gemilerden biri oldı, çünki onıñ hızmet müddeti keçken asırnıñ soñunda bitken edi ve olar da onı kereksiz dep saydı. Amma zemaneviy donatmasız bile, tek ukrain deñizcileriniñ coşqunlığı sayesinde, bu gemi Ukrainanıñ territorial suvlarını havflı “bahşışlarnı“ temizley edi. 2017 senesi Bogdan Kuterov gemide olıp keçken vaqialar aqqında “Geniçesk“ adlı vesiqalı film çıqardı, filmdeki baş rolni Oleksandr Boyçuk oynadı.

2022 senesi fevral 24-te tam miqyaslı ücüm vaqtında Oleksandr Boyçuk “Geniçesk“ gemisinde komandanlıq yapıp, Mariupolde bulunmaqta edi. Deiger üç gemiden asker arqadaşlarınen beraber başta gemilerni ve limannı, soñra şeerni qorçaladı, anda sarımğa tüşip, esir alındı. Esirlikten onı apayı ve şimdi babası kibi arbiy hızmette olğan oğulları bekledi.