Aprelniñ 18-nde Ukraina tarihiy ve medeniy abideleri künü qayd etile. Bu künde Qırım ve Aqyar şeeriniñ işğali sebebinden rusiye tarafından elge keçirilgen mirasımız aqqında hatırlatmaq kerekmiz. Qırım strategik araştırmalar institutı ile beraberlikte yarımadanıñ işğali vaqıtında ruslar nasıl abidelerni yoq etkenleri aqqında aytıp berecekmiz.

Sözde “birleşüv” bahanesinen işğalni qanuniyleştirüv deñemesinden bir kün evel, 2014 senesi martnıñ 17-nde Aqyar ve Aqmescitte qanunsız qurulğan ayrılıqçı yerli ükümet organları yarımadadaki bütün mülk kompleksini, şu cümleden müzey müessiseleri, arhivler, kitaphaneler, köçmez mülk abidelerini öz nezaretleri altına keçirgenlerini ilân ettiler.

2014 senesi mayısnıñ 21-nde Ukraina devlet sicilinde olğan bütün köçürilmez abideler işğalci memuriyetler tarafından menimsenildi. Nevbetteki 10 yıl devamında müzeylerniñ işğalci idare organları ve köçürilmez abidelerniñ idare organları obyektlerni Rusiye cedvellerine kirsettiler, olarnı öz mülki olaraq yazdılar, böyle obyektlerniñ qıymetini çoq vaqıt itibardan tış qaldırdılar: Tavriçeskiy Hersonezler, YUNESKO yeriniñ saqlanması içün talaplarğa cevap bermey ediler, a milliy emiyetke malik abide, kompleksteki bir çoq obyektlerniñ aqiqiyligini yoq ettirgen tamir işlerine oğratıldı.