Mayıs ayı, aralarında mayısnıñ 18, yani qırımtatar halqı soyqırımınıñ qurbanlarını añma künü de olğan müim tarihlernen toludır.

1944 senesi işbu mayısnıñ 18-de qırımtatarlarnıñ sürgün etilüvi başlandı, mayısnıñ 18-20 kerçekleşken sürgünlikniñ esas dalğası esnasında 180014 kişi sürgün etildi.

Qırımda qırımtatar halqınıñ vekillerine qarşı siyasiy sebeplerden tintüvler, qanunsız yaqalavlar, apis etüvler kerçekleştirgen ve olarğa müim künlerini qayd etmege yasaq etken işğalci akimiyet kene de öz cezalav küçlerini qırımtatarlarğa qarşı qullana.
Umumiy tarihımıznı ve sovet akimiyeti tarafından onıñ içün qolaysız olğan insanlarğa qarşı kerçekleştirilgen cinayetlerni bilmemiz pek müimdir. Onıñ içün siz oca ya da gençler merkeziniñ hadimi olsañız, sizni bu kün Qırımtatar halqı soyqırımınıñ qurbanlarını añma kününe bağışlanğan dersler keçirmege çağıramız.

2015 senesi ”18.05. Hatırlamaq aqqı” mevzusında dersler içün metodik qullanmalar arasında konkurs keçirildi.
Eñ güzel 10 qullanma  https://bit.ly/2Racvhj saifesinde derc etildi.

Lütfen, diñleyicileriñizge kelişken qullanmanı saylap alıñız.
(qoşma malümat: Yarışma neticelerine binaen, 1-nci yerni 028 sanlı qullanma, 2-nci yerni 071 ve 055 ve 3-nci yerni 046, 026 ve 044 sanlı qullanmalar qazandı).