2014 senesi saban ayınıñ 11-de Ukraina qanunlarını qaba şekilde bozğan ”Qırım Muhtar Cumhuriyetiniñ Yuqarı Şurası” ve ”Sevastopol şeer şurası” ”Qırım Muhtar Cumhuriyeti ile Aqyar şeeriniñ mustaqilligi aqqında qararnameni” qabul ettiler. 

Aynı şu künü Aqmescitte Ukraina tarafdaları ”Tınçlıq ve Qırımnıñ Ukraina ile birligi oğrunda” şiarı ile keçirgen mitingde Ukrainanıñ topraq bütünligini qorçalamaq çağıruvları, zorbalıqnen qaçırılğan Andriy Şçekun, Anatoliy Kovalskiy ve İgor Kirüşçenkonı azat etmek talapları seslendirildi. Faaller Qırım Muhtar Cumhuriyetiniñ kelecegine dair teşkil etilgen ”referendumde” iştirak etmeyceklerini ilân ettiler. Kündüz vaqıtında şeerde 28 yaşındaki faal Mıhaylo Vdovçenko zorbalıqnen qaçırıldı. 

Yarımadanıñ bütün topraqlarında söz serbestligi aqqınıñ bozulması, jurnalistlerniñ faaliyetine keder etüv ve matbuat vastalarınıñ hadimlerine ücüm etüv qayd etildi.

Bundan ğayrı, Lehistan Cumhuriyetiniñ Aqyardaki Baş konsullığı qapatıldı. 

#CrimeaIsUkraine #QırımUkrainadır #StopRussianAggression