🔹 2014 senesi saban ayınıñ 4-de ”Belbek” arbiy ava limanı tosmenge tutuldı.
Kiçik ayında işbu ava limanına urbalarında tanıtıcı işaretler olmağan silâlı Rusiye arbiyleri kirgen edi. Olar 4515 sanlı arbiy bölükni ve ava limanını tosmenge tuttılar.
O künü arbiy ava limanında Ukraina ve Rusiye matbuat vastalarında çalışqan jurnalistlerniñ közleri ögünde eki taraftan arbiyler sıralanğan edi. Ellerinde silâ yerine Ukraina bayraqları olğan Ukraina Arbiy Quvetleriniñ askerleri uçuv meydanına yol aldı. Rusiye terroristleri ile muzakereler neticesinde taktik avacılıq Aqyar brigadasında hızmet etken ukrain arbiyleri uçaq qurağını, silâ anbarını ve dispetçer noqtasını öz nezareti altına keçirdiler.
Arbiy çatışuvda yüz bergen bu vaqia bir işaret olaraq ukrain askerleriniñ ve cenk zabitleriniñ cesürligini numayış etti.
🔸 Aynı şu künü Fiolent burnında zenit-raketa polkı zapt etilgen edi.