Bügün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Ukrainanıñ vaqtınca işğal etilgen Donetsk ve Lugansk vilâyetlerinde, Qırım Muhtar Cumhuriyetininde ve Aqyar şeerindeki topraqlarını işğalden azat etüv ve ğayrıdan integratsiya etüv, milliy azınlıqlar ve halqara munasebetler meseleleri boyunca Ukraina Yuqarı Şurası insan aqları Komitetiniñ oturuşuvında iştirak etti.
Oturuşuvda Daimiy Temsilci Temsilcilik 2019 senesi oraq ayından başlap bu küngece alıp barğan faaliyetniñ neticeleri aqqında esabat berdi.
Ukraina Prezidentiniñ Qırım MC Temsilciligi mütenasip parlament Komiteti ile aşağıdaki yönelişlerde işbirlikte çalışmağa ümüt ete:
- Aşağıdaki qanun leyhalarına qol tutuv:
- 2014 senesinden soñ vaqtınca işğal etilgen topraqlarda yüz bergen doğuv ve ölüm adiselerini qayd etüv boyunca memurüy ceryanını amelge keçirüv;
- esirlerniñ (siyasiy mabuslarnıñ) statusını belgilev ve olarnı qorçalav;
- vaqtınca işğal etilgen topraqlarda yüz bergen cinayetlerniñ taqiq etilmesini qolaylaştırğan bir sıra qanun leyhaları;
- halqara gumanitar ve halqara cinaiy uquq şartlarını amelge keçirüvge dair 2689 sanlı qanun leyhasınına qol tutuv.
- COVİD-1 sebebinden lâğu etilgen Qırım mevzusı boyunca parlament diñlevlerini keçirüv. Soñki sever böyle diñlevler 2016 senesi yazda keçirilgen edi.
- Qırım yarımadasını işğalden azat etmek niyetinen ve çeşit türlü fırqalarğa ait olğan deputatlarnı umumiy küreş öğrunda birleştirmek maqsadınen fırqalar arası ”Qırım” birleşmesini teşkil etmek.
- Ukrainada silâlı dava ve onıñ aqibetini yoq etüv şaraitlerinde insan aqlarınıñ qorçalanmasını ve ğayrıdan tiklenmesini maqsad qoyğan devlet siyaseti Kontseptsiyasını (keçici devirde adalet kontseptsiyasını) taqdim etüv ve keçici devirde adalet kontseptsiyasınıñ amelge keçirilmesi içün mütenasip qanun leyhaları üzerinde beraberlikte çalışmaq.
- İnsan aqları boyunca Komitetniñ nevbetteki oturuşuvını, 2020 senesi kiçik ayda olğanı kibi, Herson vilâyeti ile Qırım MC arasındaki memuriy sıñırda (KÇNN-da) keçirmek. Böyle ofisten tış oturuşlarnı Komitette ananege çevirmek.
Komiteta azaları Dmıtro Lubinets, Taras Tarasenko, Rustem Umerov, Mustafa Cemilev, Nelli Yakovleva, Ruslan Gorbenko, Maksım Tkaçenko ve Ahtem Çiygozğa semereli işbirlik içün minnetdarlığımıznı bildiremiz.