2014 senesi saban (mart) ayında BM Baş assambleyasınıñ Qararnamesinde qayd etilgen tanımama siyasetine riayet etüv meselesi, sanktsiyalar siyaseti, insan aqlarınıñ bozuluvı meselesi, işğalci ”organlar” tarafından areket serbestliginiñ sıñırlanması, mülkiyet aqlarınıñ bozulması, Ukrain kilisesine qarşı basqı ve vaqtınca işğal etilgen Qırım topraqlarında tamır qırımtatar halqınıñ aq-uquqlarını bozuv meseleleri muzakere etildi. Bundan ğayrı, Baş assambleyanıñ Qırım boyuca yañı qararnamesine qol tutuv qonuşıldı.
Körüşüv esnasında vaqtınca işğal etilgen Qırımda COVİD-19 salğını ve işğalci devlet Rusiye Federatsiyası öz mecburieytlerini yerine ketirmegeni, grajdan ealini qorçalap olamağanı ve onı mütenasip tıbbiy yardımnen temin etip olamağanı neticesinde Qırım yarımadasında yüz bergen gumanitar buhran ayrıca muzakere etildi.
Ukraina Prezidentiniñ Qırım Muhtar Cumhuriyetindeki Temsilciligi Rusiye Federatsiyası tarafından Qırım Muhtar Cumhuriyetini ve Aqyar şeerini ilhaq etüv teşebbüsini tanımağan ve vaqtınca işğal etilgen topraqlarda Ukrainanıñ topraq bütünligini ve egemenligini ğayrıdan tiklev oğrunda ğayretlerini birleştirgen ortaqlarına öz minnetdarlığını bildire.