”Keçici devirde adaletniñ – transitional justice – qısımlarını Ukraina qanunları saasına keçirüv, silâlı davanıñ iç bir faal deviri onsız bitmegen olsa da, yalıñız bütün dünyada cenk vaziyetinden barışıqlıq vaziyetine keçmege yardım etken bir vasta degil de, bunınen beraber o, barışıqlıqqa ıntıluv ve cenk qurbanlarını qorçalav yolunda akimiyet organlarına qulavuzlıq yapqan bir vastadır. İşğalden azat etüv ve ğayrıdan integratsiya etüv, yalıñız barışıqlıq aqqında añlaşmalar degildir. Bu, topraqlarımızğa ve vatandaşlarımızğa dair izçen insaniy, iqtisadiy, medeniy siyasettir. Keçici devirdeki adaletniñ qısımlarını amelge keçirüv ile işğalden zarar körgen bütün insanlarnıñ aqlarını qorçalamaq ve topraq bütünligimizge, mustaqilligimizge ve egemenligimizge bir kere daa qast etüvni imkânısız yapmaq maqsadınen Ukrainanıñ barışıqlıq yolunı muntazam ve sarsılmaz şekilge ketire bilirmiz”, – dep izaatladı Ukraina Prezidentiniñ Qırım MC-deki Daimiy Temsilcisi Anton Korınevıç.