Qazahistan tarafından dersni yuqarıda añılğan universitette halqara uquq, adliye ve uquq qorçalav faaliyetinen oğraşqan ocalar ve studentler diñledi.
Anton Korınevıçnıñ qayd etkenlerine köre, munaqaşa esnasında studentler taqdim etilgen malümatlarnı yahşı menimsep, Qırımnıñ Rusiye Federatsiyası tarafından işğal etilmesi ve işğalniñ aqibeti aqqında sualler berdiler.
Ukraina Prezidentiniñ Qırım MC-deki Temsilciligi Qazahistandaki Ukraina Elçihanesine ve Qırım mevzusını halqara seviyede aydınlatqan, şu cümleden, dünyanıñ çeşit türli memleketlerinde gençlerni haberdar etken Ukraina çetel işler Nazirligine öz minnetdarlığını bildire.