Körüşüv esnasında insan aqlarını bozuluv meselesinen bir arada Qırımnı ve Qaradeñiz regionını silâlaştıruv, yarımadağa Rusiyeden avuştırılğan adamlar esabına yerli ealini almaştıruv, bala aqlarını bozuv, Rusiye Federatsiyası tarafından teşkil etilgen arbiy teşkilâtlarğa balalarnı celp etüv, Rusiye ordusına qanunsız şekilde gençlerni çağıruv, tabiatqa ketirilgen zarar, Ukraina Ortodoks Kilisesine basqı, şu cümleden Kezlevdeki ibadethaneniñ yoq etilmesine dair işğalci akimiyet tarafından alınğan qarar, tamır qırımtatar halqınıñ aq-uquqlarını bozuv, işğalnen razı olmağanlarğa, öz ananeviy diñlerini kütkenlerge ve faal cemaat faaliyetinen oğraşqanlarğa qarşı Rusiye Federatsiyası tarafından çıqarılğan deşetli ükümler kibi meseleler muzakere etildi.

Körüşüvlerniñ müim meselelerinden biri, sanktsiyalar tertibi meselesi, Ukraina ortaqları tarafından sanktsiyalar cedvelini daqatuv ve 2014 senesi saban (mart) ayında qabul etilgen BM Baş Assambleyasınıñ qararında qayd etilgen tanımamazlıq siyasetini devam etüvdir. İşğalci ”organları” tarafından vatandaşlarnıñ areket aqlarınıñ sıñırlanması, vaqtınca işğal etilgen Qırımda COVİD-19 salğını ve işğalci devletniñ öz mecburieytlerini yerine ketirip, ealini qorçalap olamağanı neticesinde yüz bergen vaziyet ayrıca muzakere etildi.

Latviya Cumhuriyeti, Ukrainanıñ Rusiye tecavüzine qarşı küreşinde memleketimizniñ daimiy ortağı, çünki topraqlarını işğalden azat etüvge dair öz tecribesine saiptir. Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Latviya Cumhuriyetiniñ Ukrainada Fevqulâde ve Tolu Vekâletli Elçisi Yuris Poykansqa Qırım meselesine diqqat etkeni içün öz minnetdarlığını bildirdi.