Körüşüv Temsilcilikniñ Herson şeerindeki ofisinde başlandı, vaqtınca işğal etilgen Qırım yarımadasında insan aqlarına riayet etüv saasındaki vaziyetni muzakere etüvden soñ eyet Herson vilâyetiniñ Qırım MC ile memuriy sıñırındaki ”Qalançaq” ve ”Çaplınka” KÇNN-nı ziyaret etmege yöneldi. Aqşam Herson vilâyeti devlet memuriyetinde devlet akimiyeti, cemaat teşkilatları ve Qırım yönelişinde çalışqan teşebbüslerniñ temsilcileri ile körüşüv beklenile.
Herson vilâyetiniñ vaqtınca işğal etilgen Qırım ile memuriy sıñırına er bir ziyaretimiz bizim içün pek müim. Bu yalıñız vatandaşlarımıznıñ keçmesine ruhset bergen strategik noqta degil de, aynı vaqıtta Qırım sakinlerini Ukraina bayrağına qavuştırğan ve işğalniñ reineleri olğan vatandaşlarına nisbeten devlet yanaşıvınıñ deñişkenini açıq-aydın köstere bilgen bir yerdir. COVİD-19 salğını ve işğalci devlet Rusiye Federatsiyası grajdan ealini qorçalav ve şu cümleden tıbbiy yardımnen temin etüv boyunca mecburieytlerini yerine ketirmegeni sebebinden böyle diqqatnıñ emiyeti daa ziyade arta.
Büyük Britaniya kibi işançlı ortaqlarımızğa kerçek vaziyetni köstermemiz de pek müim. Büyük Britaniya ilhaq teşebbüsine ilk qarşılıq köstergen devletlerden biri edi ve Qırımnı işğalden azat etüv oğrunda küreşte Ukrainağa halqara seviyede muntazam sürette qol tutmaqta. Temsilcilik British Embassy Kyiv Ukrainanıñ egemenligine ve topraq bütünligine qol tutqanı içün öz minnetdarlığını bildire. Qırımda insan aqlarına riayet etüv ve halqara uquqnı bozuv saalarında al-azırdaki vaziyet, Rusiye Federatsiyası ve işğalci memuriyetler tarafından ukrain cemaatınıñ ve tamır qırımtatar halqınıñ taqip etilüvi aqqında ortaqlarımıznı haberdar etüv de pek müim. Diger devletlerniñ temsilcilerini Herson vilâyetini ve mıtlaqa memuriy sıñır ile nezaret noqtalarını ziyaret etmege can-yürekten davet etemiz, ziyaretlerini daima teşkil etmege azırmız”, – dep izaatlay Büyük Britaniyanıñ Ukrainada Fevqulâde ve Tolu Vekâletli Elçisi Melinda Simmonsnıñ ”Qalançaq” ve ”Çaplınka” KÇNN ziyaretini Daimiy Temsilci.
Ukraina Prezidentiniñ Qırım MC-deki Temsilciligi Devlet sıñır hızmetiniñ Herson sıñır bölügine işbirligi ve ziyaretni teşkil etip keçirgeni içün öz minnetdarlığını bildire.