Konferentsiya esnasında vaqtınca işğal etilgen Qırım MC ve Aqyar şeerini işğal şaraitlerinde suv ile temin etüv meselesi muzakere etildi.
Konferentsiya iştirakçilerine muracaat etken Ukraina Prezidentiniñ Qırım MC Daimiy Temsilcisi Anton Korınevıç şunı qayd etti:
”Rusiye Federatsiyası tarafından Qırım yarımadasınıñ işğal etilmesi bitken soñ ve Qırım Muhtar Cumhuriyeti ile Aqyar şeeri topraqlarında Ukraina qanuniy devlet akimiyet organları öz faaliyetini ğayrıdan tiklegen soñ Ukraina işbu topraqlarnıñ suv ile temin etilmesini ğayrıdan tikley bilir.
”Rusiye Federatsiyası tarafından Qırım yarımadasınıñ işğal etilmesi bitken soñ ve Qırım Muhtar Cumhuriyeti ile Aqyar şeeri topraqlarında Ukraina qanuniy devlet akimiyet organları öz faaliyetini ğayrıdan tiklegen soñ Ukraina işbu topraqlarnıñ suv ile temin etilmesini ğayrıdan tikley bilir.
İnsan aqlarınıñ qorçalanması saalarındaki halqara añlaşmalarınıñ maddeleri suv aqqı, suv ile temin etüv mecburiyetleri ya da başqa resurslar ile temin etüvnen bağlı olmayıp, başqa insan aqlarınıñ kefil etilmesinen ve olarğa riayet etilmesinen bağlıdır. Nezareti altında vaqtınca işğal etilgen Qırım Muhtar Cumhuriyetinde ve Aqyar şeerinde onlarnen öldürüvler ve zorbalıqnen ğayıp oluvlar yüz bergen soñ, işğalci devletniñ yaşav aqqınıñ bozuluvı aqqında ikâye etmesi kesen-kes qabul etilemez.
Halqara gumanitar uquqqa binaen, işğalci devlet semereli nezareti altında bulunğan vaqtınca işğal etilgen topraqlarda meydanğa kelgen er şey içün mesüliyetlidir. 1949 senesi arman ayınıñ 12-de qabul etilgen Cenk vaqıtında grajdan ealini qorçalav aqqında Şartnamesiniñ (Dörtünci Jeneva konventsiyası) 55-ci maddesindeki birinci qısmında, işğal etilgen toraqlarnıñ resursları yeterli olmasa, işğalcı akimiyet ealini bütün aşayt malları ile tibbiy malzemelernen temin etilmesini, şu cümleden, aşayt mallarınıñ, tibbiy malzemelerniñ ve başqa mallarnıñ ketirilmesini evelden nazarğa almalı”.
Muzakere etüvde Ukraina Prezidentiniñ Qırım MC Temsilciligindeki işğalden azat etüv ve ğayrıdan integratsiya meseleleri boyunca hızmetniñ baş mesleatçısı Anton Tverdovskıy da iştirak etti.
”Suv qullanuvına dair resmiy malümatlarğa köre, Qırım sakinleriniñ içecek suv ve ev ihtiyaçlarına er yıl 101-105 mln. kub metre suv işletile, yarımadadaki suv yedekleri ise 9 kere ziyadedir. ”Yani Qırım yarımadası ealisiniñ içecek suv ve ev ihtiyacları eñ qurğaq yıllarda bile yerli yedeklerden temin etile bile. Yüz biñlernen Rusiye vatandaşı qanunsız şekilde Qırım yarımadasına köçürilüvini esapqa alsaq bile, yerli suv yedekleri Qırım sakinleriniñ ihtiyacları içün yeterlidir.Böyleliknen, işğalci devlet sanayısını, köy hocalığını ve arbiy bazalarını inkişaf ettirmek içün Ukrainanıñ Qırım yarımadasını suv ile temin etmesine muhtacdır.Ukraina Prezidentiniñ Qırım Muhtar Cumhuriyetindeki Temsilciligi akimiyet organlarına Ukraina milliy havsızlığı içün telüke doğurğan areketlerge kompleks şekilde qarşılıq kösterüvnen bağlı tekliflerini ve tevsiyelerini taqdim etti.Ukraina izçen devlet siyasetini devam etip, Qırım işğalden azat etilmegence yarımadanı suv ile temin etmese, eñ beter vaziyetlerden qaçına bilemiz”, – dep bildirdi Anton Tverdovskıy.
Tedbirde uzaqtan video bağ vastasınen Qırım yarımadasınıñ işğalden azat etüvnen oğraşqan akimiyet organları, diplomatik korpus ve cemaat teşkilâtlarınıñ vekilleri iştirak etti.