Tedbir esnasında Anton Korınevıç Ukraina Prezidentiniñ Qırım MC Temsilciligi ve uquq qorçalav organları arasında işbirlik yüksek seviyede olğanını qayd etti.
”Temsilcilik keçici devirde adalet üzerinde çalışa, işbu mevzu Qırım uquq qorçalav organlarınıñ faaliyeti içün müim ve al-azırda amelge keçirilmektedir. Eñ ağır cinayetler içün cezanıñ qaçınmamazlığı keçici devirde adaletniñ esas printsiplerinden biridir.Ekologiya meseleleri, medeniy asabalıqnı, tabiat-qoruq fondunı qorçalav Temsilcilikniñ ve uquq qorçalav organlarınıñ işbirliginde müim yer almaqta. Temsilcilik BM Baş Assambleyasınıñ Qırım boyunca Qararnamesine işbu mevzunen bağlı tekliflerini taqdim etti, milliy seviyede ise bu malümatlar uquq qorçalav organlarına, prokuratura organlarına muntazam şekilde yollanıla ve kriminal taqiqatlarda işletile.Vaqtınca işğal şaraitlerinde uquq qorçalav organlarınıñ faaliyetini yañı semereli seviyege kötermek maqsadınen Temsilcilik olarğa mütenasip normativ-uquqiy senetlerni azırlamağa yardımda bulunıp, işbu faaliyetke mütehassıslarını celp ete bile”, – dep haber etti muşavere esnasında Ukraina Prezidentiniñ Qırım MC-deki Daimiy Temsilcisi Anton Korınevıç.
Körüşüv esnasında vaqtınca işğal etilgen Qırım yarımadasında silâlı dava şaraitlerinde tabiat obyekleriniñ ve medeniy asabalıqnıñ qanunsız şekilde işletilüvi meselesi muzakere etildi.
Qırım MC ve Aqyar şeeri uquq qorçalav organları işğalci akimiyet tarafından tabiat obyekleriniñ işletilüvine, şu cümleden Azaq ve Qara deñizleriniñ saillerinden qanınsız şekilde mineralarnıñ ve gidrokarbonlarnıñ çıqarılmasına, avağa büyük miqdarda kirletici malzemelerniñ atılmasına, tabiat-qoruq fonduna ait obyektleriniñ yoq etilmesine ve başqa cinayetlerge dair bir sıra kriminal taqiqatlar alıp barmaqta”, – dep haber etile Milliy polisniñ Qırım MC ve Aqyar şeeri boyunca Baş idaresinde.
”Ukraina topraqlarında 2014 senesinden berli devam etken silâlı davanıñ aqibetleri deşetlidir. Öldürüvler, zorbalıqnen qaçıruvlar ve qıynavlardan ğayrı işğalci devlet Ukraina halqına ait olğan tabiat baylığını yoq ete ya da hırsızlay. Devlet ve uquq qorçalav organları vekâletleri çerçivesinde işğal etilgen topraqlarda yapılğan bütün cinayetlerniñ em milliy, em halqara seviyede taqip etilüvi içün qolundan kelgenini yapmalı”, – dep bildirdi Baş prokuror muavini Gündüz Mamedov.
”Böyle cinayetlerniñ qayd etilmesine hızmet etken vastalarnı ve etraftaki müitke ketirilgen zararlarnı esaplamaq maqsadınen uquq qorçalav ve nezaret etici organlarnıñ işbirligi daa semereli seviyege köterilmeli”, – dep qayd etti Qırım Muhtar Cumhuriyeti ve Aqyar şeeri Prokuraturasınıñ reberi İgor Ponoçovnıy.
Uquq qorçalav organlarını temsil etken toplaşuv iştirakçileri umumiy qarar qabul etip, onıñ yerine ketirilmesine hızmet etecek tedbirlerni uyğunlaştırdılar.