Körüşüv esnasında Temsilcilikniñ 2023 senesinece faaliyetine dair strategiya leyhası taqdım etildi, metin yekülenmekten ve cemaatqa taqdım etilmekten evel diqqatqa alınacaq izaatlar ve mulâazalar alındı.
Oturışuv esnasında halqara faaliyet planı taqdim etildi – Ukraina Prezidentiniñ Qırım Muhtar Cumhuriyetindeki Temsilciligi tarafından 2020-2023 seneleri halqara seviyede keçirilecek ve Daimiy Temsilci Anton Korınevıç tarafından imzalanğan tedbirler Strategiyası da taqdim etildi.
Ekspertler Temsilcilikniñ kündelik faaliyetine ve kelecek 3 ayğa planına, COVİD-19 pandemiyasınen bağlı çağıruvlarğa ve Temsilcilikniñ ekspert müitinen işbirligine dair fikirlerinen paylaştılar.
”Devlet organlarnıñ, cemaat teşkilâtlarnıñ ve ekspert müitiniñ umumiy areketleri vaqtınca işğal etilgen Qırım yarımadasınıñ sakinlerinen bağ tutuvğa, insan aqlarını qorçalavğa ve işğalci devletniñ cinayetlerine operativ şekilde qıymet kesüvge yönetilmeli. Ukraina Prezidentiniñ Qırım MC-deki Temsilciligi Ekspertler Şurasına sarf etilgen vaqıtı ve Qırımnıñ işğalden azat etilüvine hızmet etecek qıymetli fikirleri içün öz minnetdarlığını bildire”, – dep izaatladı oturışuvnı Ukraina Prezidentiniñ Qırım MC-deki Daimiy Temsilcisiniñ muavini Tamila Taşeva.