“Ukrainada, hususan Qırım ve Donbastaki vaziyetniñ ilk ögenilmesiniñ bitmesi ve Halqara Ceza Mahkemesiniñ (HCM) nevbetteki basamağına keçmek, Ukrainanıñ vaqtınca işğal etilgen topraqlarında yüz bergen eñ ciddiy cinayetler içün adaletniñ ğayrıdan tiklenmesini yönelişinde müim bir adımdır. Halqara adalet, hususan HCM adaleti, Ukraina adaletiniñ Qırım ve Donbasta eñ ciddiy cinayetler yapqan şahıslarnı obyektiv sebepleden cezalap olamağanı vaziyetlerde bizge yardım etecegine inanamız. HCM Prokuraturası tarafından ilk ögrenüvniñ bitirilmesini alğışlaymız ve nevbetteki adım olğan tahqiqatnı sabırsızlıqnen bekleymiz. Ukraina uquq qorçalav organlarına, şu cümleden, Baş Prokuror Ofisine, ve Qırım Muhtar Cumhuriyeti ve Aqyar şeeri Prokuraturasına, bundan ğayrı, bütün bu yıllar devamında HCM Prokurorı Ofise ile beraber çalışqan Qırım SOS, Qırım uquq qorçalav gruppasına, İnsan aqları regional merkezine, İnsan aqları boyunca Ukraina-Helsinki birligi cemaat teşkilâtlarına minnetdarlığımıznı bildiremiz. Epimiz bu künni yaqınlaştırdıq ve HCM Prokurorı ofisi Ukrainada vaziyetni tolu derecede ögrenmege azır olğanına pek quvanamız”, – dep izaatlay beyanatnı Ukraina Prezidentiniñ Qırım MC-deki Daimiy Temsilcisi Anton Korınevıç.

‘Ukrainadaki vaziyetnen bağlı nevbetteki basamaqqa keçer ekenmiz, Ukrainanıñ vekâletli şahısları qol tutuv bereceklerine tamamen işanam ve aynı şekilde davanıñ bütün taraflarını işbirlik yapmağa çağıram. Bundan ğayrı, Mahkeme içün pek müim olğan iştirakçi devletler Assambleyasınıñ qol tutuvına da pek işanam. Kelecekteki taqiqatlarğa vekâletlerimizniñ mustaqil ve tarafsız şekilde yerine ketirilmesi olaraq qıymet kesip, Ukraina ükümeti ve, ümüt etem ki, Rusiye Federatsiyası ükümeti ile umumiy tertibat içinde eñ güzel şekilde milliy ve halqara seviyede adaletke nasıl irişe bilecegimizni añlamamızğa yardımcı olacaq konstruktiv ve er bir taraf içün elverişli dialognıñ qurulmasını sabırsızlıqnen bekleyim”, – dep qayd ete beyanatınıñ soñunda Halqara ceza mahkemesi Prokurorı Fatu Bensudi.