Ukraina Yuqarı Şurası vaqtınca işğal etilgen Ukraina topraqlarında ”Qırım” serbest iqtisadiy zonası tertibiniñ lâğu etilmesi aqqında bir sıra qanunlar qabul etti ve işğal sebebinden peyda olğan sıñırlamalarnı (hususan 01.07.2021 qabul etilgen 1618-ІХ sanlı Ukraina qanunını) diqqatqa alıp, vaqtınca işğal etilgen topraqlarda iqtisadiy munasebetlerniñ hususiyetlerini belgiledi: https://zakon.rada.gov.ua/laws/show/1618-IX#Text
”«Qırım serbest iqtisadiy zonasını teşkil etüv ve vaqtınca işğal etilgen Ukraina topraqlarında iqtisadiy faaliyetni yürsetüv aqqında» Ukraina Qanunını lâğu etüv ve bazı Ukraina qanunlarına deñişmeler kirsetüv aqqında” 01.07.2021 qabul etilgen 1618-ІХ sanlı Ukraina qanunı 2021 senesi boş aynıñ 21-de amelge keçecek.
Bunıñ manası ne ve boş aynıñ 21-de neler deñişecek eken?
- Qırım sakinlerine Ukraina rezidenti statusı qaytarılacaq. ”Rezident olmaması” vaqtınca işğal etilgen topraqlarda ”Qırım” serbest iqtisadiy zonasınıñ teşkil etilüviniñ Qırım sakinlerine eñ tesir etken neticesi oldı.
- Vaqtınca işğal etilgen Qırım ile memuriy sıñırdan şahsiy eşyalarnıñ keçirüv tertibi eppiy qolaylaştırılacaq. ”Qırım” serbest iqtisadiy zonasınıñ lâğu etilmesinen vaqtınca işğal etilgen Qırım ile memuriy sıñırdan keçüvge
- Ukraina gümrük kodeksi” şartlarınıñ, hususan memuriy sıñırdan keçirile bilecek eşyalarnıñ tolu cedvelini belgilegen 370 maddesiniñ üküm sürmesi toqtatıla.
- Qırımnıñ vaqtınca işğal etilmesinden evel başlatılğan mirasçılıq meselelerni bitirmek mümkün olacaq. ”Notariat aqqında” Ukraina qanunına deñişmelerni kirsetüv işğalden evel başlatılğan, amma bitirilmegen mirasçılıq meselelerniñ bitirilmesi içün imkâniyetler yarata.
Vaqtınca işğal etilgen topraqlarda ”Qırım” serbest iqtisadiy zonasınıñ teşkil etilüvinen Rusiye Federatsiyasınıñ silâlı tecavuzı başlanğan soñ Qırımda yaşamağa devam etken vatandaşlarımıznıñ aqları muntazam sürette bozulmağa başladı. ”Rezident olmamaları”, ayrımcılıq, memuriy sıñırdan keçirilüvi yasaq etilgen eşyalar cedveli ve başqa sıñırlamalar Ukraina vatandaşları içün problemler yarata edi.
Boş aynıñ 21-den başlap, kiriş-çıqış nezaret etüv noqtalarınıñ sıñırlarından tış vaqtınca işğal etilgen topraqlarğa ve vaqtınca işğal etilgen topraqlardan mal-mülkniñ keçirilüvini belgilemek ve buña yol bermemek maqsadınen kiriş ve çıqışnı Ukraina devlet sıñır hızmetiniñ hadimleri nezaret etecekler.
Qırımnı işğalden azat etüv oğrunda beraber areket etemiz.