2025 senesi aprelniñ 26-nda rusiye işğalci memuriyeti milliy Meclisiniñ faaliyetini yasaqlap, onı “ekstremist teşkilât” olaraq tanığanına doquz yıl tola. Bu qarar, daima rus müstemlekeciligine qarşılıq köstergen tamır halqlarnıñ öz toprağında tesirini bastırmaq içün alındı.

2016 senesi aprelniñ 13-nde işğalci “mahkeme” qırımtatar halqınıñ milliy Meclisini yasaq etmeknen bağlı sözde “prokuratura” iddiasını qabul etti, aprelniñ 26-da ise qarar quvetini aldı. Dünya toplulığı — BMT, Avropa Birligi, halqara insan aqları teşkilâtları — bu areketni tamır halqlarnı aqlarınıñ ciddiy bozuluvı olaraq ayıpladı.

İşğalci idareniñ bütün basqılarına baqmadan, Meclis Ukraina nezaretindeki topraqlarda öz faaliyetini devam ete, halqara arenada qırımtatar halqınıñ menfaatlarını temsil ete, insan aqlarını qorçalay, yarımadanıñ işğalden qurtarılması ve adaletniñ tiklenmesi içün ğayret köstere.

Vekillik organına yasaq qoyulğanı qırımtatarlarnıñ öz toprağına saip olma, öz sesinen isteklerini bildirme niyetini tek quvetleştirdi. Rusiyeniñ iç bir repressiyası ve qanunsız areketleri serbest halqnıñ küreşini bastırmağa yardım etmez. Qırım serbest olacaq.