Moskva çarı İvan IV, Konstantinopolden Moskva Bizansnıñ mirasçısı olğanını bildirgen “iftira mektübini” alğan soñ, dedesi – Moskva kinazı İvan III-niñ Geraylarğa sadıqlıq ant etkenini körmemezlikke urıp, Qırımğa tek bergi tölememek degil, yarımadağa ücüm etip, Qırım hanlığını zapt etmege istedi. Lâkin o vaqıtlar qırımtatarlarnen tolu miqyaslı uruşqa kirip olamağan moskovitler yalıñız Qırımnıñ bir qaç qasabasını yaqa bildi.

Qırım hanı Devlet Geray, yüzsüz vassalnı cezalandırmaq içün, çeşit tahminlerge köre, 40 biñden 120 biñge qadar ordu toplap, Moskvağa yol aldı. Oku özenini keçip, Devlet Geraynıñ ordudı İvan IV ordusını keçip, 1571 senesi iyün 2-den 3-ne keçer gecesi Moskva garnizonını yoq etip, paytahtnı basıp aldılar ve onı bütünley yaqtılar.

Britaniya diplomatı Jerom Gorsey hatıralarında, küçlü yel yanğınnı bütün Moskvağa tarqatqanı aqqında qayd etken edi. O vaqıt ateşten yalıñız Kreml ateşten qurtarıldı. Ölgenlerniñ sayısını kimse esaplap olamadı. Yanğında moskovitlerniñ komandanı İvan Belskiy elâk olğanı belli.

Devlet Geray ordusı şeerni terk etken soñ, qaytayatqanda Kaşırnı de yoq etip, Râzan topraqlarını viran alğa ketirdiler. İvan IV, Devlet Gerayğa ant etkeninden ğayrı, Bizans mirasçısı statusından vazgeçip, yañıdan bergi tölemege razı oldı.

Yılname malümatına köre, 1571 senesi 3 iyün – “bütün Moskva yanğan kün”.