Balalarğa ve gençlerge işğalden çıqmağa keder etken 3 qorqu – seferberlik qorqusı, vesiqasız qalma qorqusı ve evini coyma qorqusı.

Rusiye yıllardır, insanlarnı RF kontrolü astında qalması içün bu miflerni dağıta. Amma kerçek başqa: çıqış mümkün, qaytqan soñ ise insan çağıruvlarnen yalıñız qalmaqta.

Ukrayina Prezidentiniñ ”Bring Kids Back UA” teşebbüsi çerçivesinde ve ortaqlarnen işbirliginde balalar ve gençler bularnı alabile:

🔹 çıqışta yardım;

🔹 uquqiy yardım;

🔹 vesiqalarnen destek;

🔹 tasil saasında tevsiyeler;

🔹 qaytuvdan soñ uyğunlaşuvnen yardım.

Vaqtınca işğal etilgen topraqlardan çıqış aqqında eñ tarqatılğan miflerni yalanlaymız ve işançlı yardımnı qaydan almağa mümkün olğanı aqqında añlatamız.

İşğalden çıqmağa planlarıñız bar olsa, muracaat etiñiz. ”Bring Kids Back UA” teşebbüsiniñ çerçivesinde vesiqaları olmağanlar içün bile bedava, gizli ve bütünley refaqat altında işğalden çıqmağa yardım eteler. Er kes içün telükesiz bir marşrut saylana.

Eger siz birden oquşqa kirmege azır olmasañız, ukrayinşınaslıq qısmından bilgilerni arttırmaq, alışmaq ve oqumağa azırlanmaq içün azırlıq programmaları, hususan “sıfır kursı” bar.

Oquvğa kirüv ve tasil tek başına keçilmemeli – er bir basamaqta destek ve yardım bar.

Ukrayina aliy oquv yurtlarına kirüv, vesiqa berüv ya da tasil imkânları aqqında malümat almaq içün devlet müessiseleriniñ teşkilâtlarına muracaat etiñiz: https://cutt.ly/vtMukcc8.