Bügün belli şahıs, ukrainalı alim, tarihçi, yazıcı, terciman, slavcı ve şarqınas Agatangel Krımskiyniñ 150 yıllığı qayd etile. A.Y. Krımskiy misli olmağan istidatlı, bilgili, ğayretli, ziyalı ve ğayelerine sadıq bir isan edi.
Qırımtatar ve belorus qorantalarından çıqqan A. Krımskiy Ukraina vatanperverine çevirilip, ukrain iliminiñ yaratıcılarından ve teşkilâtçılarından biri oldı.

Agatangel Krımskiyniñ tarihiy, tedqiqiy, edebiy ve terciman olaraq mirası pek zengindir. Büyükten-büyük istidatı ve qabiliyetleri sayesinde insanlıq içün bütün yapa bilecek işlerini bitirip olamadı. Amma Agatangel Krımskiy tarafından yaratılğan ve yapılğan işler bir çoq nesil tarihçi, tedqiqatçı, edebiyatşınas, şarqşınas içün yeterli olacaqtır…
Milletçilik faaliyetinde qabaatlanğan akademikniñ ömüri Sovet Birliginiñ NKVD apishanesinde soñuna yetti.

Agatangel Krımskiy şahsiyetiniñ ilim-tasil saalarımız ve medeniyetimiz içün emiyeti büyüktir. Bundan ğayrı, UNESCO Baş Assambleyası onı aqlı olaraq dünyanıñ ulu erbapları cedveline kirsetti, Ukraina Milliy ilimler akademiyası ise Agatangel Krımskiy adına mukâfat ilân etti.

Keçenlerde Ukraina Milliy bankı Agatangel Krımskiy adına hatıra parasını çıqardı. Hatıra paranı nasıl satın ala bilecegiñiz aqqında bu yerde oquy bilesiñiz: https://cutt.ly/ajRuuqB

Ulu ukrainalılarnı hatırlaymız!