2018 senesi berim ayı (sentâbr) 11 künü Ukraina Prezidentiniñ Qırım MC Daimiy Temsilcisi Borıs Babin ve halqara alâqalar hızmetiniñ baş mesleatçısı Taisiya Tkaçenko Ukrainada   AHİT Mahsus nezaret etici missiyasınıñ Herson taqımı ile nevbetteki iş körüşüvni keçirdiler. Körüşüv esnasında işğal etilgen Qırımda yaşağan Ukraina vatandaşlarınıñ memuriy ve adliy hızmetlerge irişimi muzakere etildi. Ukraina vatandaşı vesiqalarını, bu cümleden İD-kartlarnı, doğuv aqqında şeadetnamelerni resmiyleştirüv ve mahkeme ceryanlarına irişim meseleleri ayrıca aydınlatıldı. Körüşüv esnasında vaqtınca işğal etilgen Qırımdaki ‘‘Titan’’ zavodında peyda olğan ekologik vaziyet muzakere etildi. Bu meseleniñ yekâne çezüv yolı – etraftaki müitni ve adamlarnıñ sağlıqlarını qorçalamaq maqsadınen ‘‘Titan’’ zavodınıñ tamamen toqtatıluvı olğanı qayd etildi.