”Qırımda eñ büyük çağıruv – söz serbestligi, irade serbestligi ve kimlikni beyan etüv aqqıdır. Er kün RF işğali altında yaşap, fikirlerimizni ve duyğularımıznı serbest şekilde beyan etip olamaymız. Qırım toprağında yaşap, biz bütün dünya içün sakin işğalnen razımız. Amma biz tüşüngenimizni aytamaymız, çünki yarın qapımızğa ”E” merkezi qaqar, buña ise iç kimse azır degil…”

Kıyiv yanındaki İrpen şeerinde öz işini başlağan ”Gençlerniñ közlerinen Qırım” Bütünukrain gençler forumınıñ iştirakçisi öz anketasında böyle sözlerni yazğan edi.

120 faal genç insan, olarnıñ arasında 25 – Qırımdan, Qırımdaki vaziyet aqqında ziyade malümat ala bile, akimiyet ve cemaat teşkilâtlarınıñ vekillerinen sübetleşe bile, gençler meselelerini çezüvde iştirak ete bile, media saasında bilgi seviyelesini kötere bile, ukrain ve qırımtatar gençleri arasında işbirlikni quvetleştire bile.

Anton Korınevıç gençlerimiz bizim kelecegimiz olğanını ve olar Qırımnıñ Rusiye tarafından işğal etilüvi aqqında aqiqatnı bilmek kerek olğanlarını qayd etti. Anda er kes işğalcilerniñ tarafına keçmegenini, er kes satqın olmağanını bilmeliler. ”Siz, bizim gençlerimiz, Oleg Sentsov, Volodımır Baluh, deñizcilerimiz ve bir çoq başqa Kreml mabuslarından ve al-azırda Rusiye apishanelerinde ve koloniyalarında bulunğan vatandaşlarımızdan örnek alğanıñıznı pek isteyim. Gençler añlamalı ki, memleketni onı sevgen adiy insanlar qorçalamaqta. Aqiqatnı, ukrain mustaqilligini ve serbestligini beraber qorçalamalımız. Qırımnıñ öz evine qaytması içün beraber qolumızdan kelgenini yapmalımız. Onıñ içün körüşmek, doğrudan-doğru gençlernen sübetleşmek, böyle mürekkep şeyler aqqında laf etmek imkânlarını bergen bu kibi tedbirler pek muimdir. Gençler sayesinde Qırımnı qaytarırmız”, – gençlerge muracaat eter eken, dep qayd etti Ukraina Prezidentiniñ Qırım MC-deki Daimiy Temsilcisi.