Bugün Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Ukrainada Egemen Malta Ordeniniñ Elçihanesi tarafından teşkil etilip, ”Gumanitar buhran kontekstinde COVİD-19 pandemiyası: Ukraina şarqındaki vaziyet ve halqara tecribe” mevzusında onlayn şekilde keçirilgen konferentsiyada qonuşmacı olaraq iştirak etti.
Daimiy Temsilci ”Vaqtınca işğal etilgen Qırımda COVİD-19 ile bağlı vaziyet” mevzusındaki maruzasınen çıqışta bulundı. Anton Korınevıç öz maruzasında pandemiya vaqıtında Qırım sakinleri ögünde turğan esas meselelerni tarif etip, Rusiye Federatsiyasınıñ işğalci akimiyeti tarafından qanaatlendirmeyici seviyede temin etilgen cemaat sağlığı saasındaki vaziyetni talil etti.