2019 senesi oraq (iyül) ayı 8 künü Ukraina Prezidentiniñ Qırım Muhtar Cumhuriyetindeki Daimiy Temsilcisi Anton Korınevıç Temsilcilikniñ hadimleri ile beraber ”Qalançaq” ve ”Çonğar” KÇNN-ni ziyaret etip, keçit noqtalarınıñ abadanlaştırıluvı ve Ukrainanıñ vaqtınca işğal etilgen Qırım MC ile memuriy sıñırındaki vaziyet ile tanış oldı.

Anton Korınevıç doqrudan-doğru nezaret noqtalarında olarnıñ reberiyeti ile sübetleşip, ”Qalançaq” ve ”Çonğar” KÇNN-de piyade yolaqlarını abadanlaştırmaq, ukrain KÇNN-leri ve Rusiye işğalcileriniñ keçit noqtaları arasındaki neytral yolaqlarnıñ bütünini aydınlatmaq ve KÇNN-niñ vaziyetlerini güzelleştirmek maqsadınen başqa işlerni becermek kerek olğanını muzakere etti.